Quran Arabic with Urdu Translation

Surah Al Naziat

Translation by Fateh Muhammad Jalundhari

• Previous
• Index
• Next

وَالنَّازِعَاتِ غَرْقًا

ان (فرشتوں) کی قسم جو ڈوب کر کھینچ لیتے ہیں ‏

وَالنَّاشِطَاتِ نَشْطًا

اور ان کی جو آسانی سے کھول دیتے ہیں ‏

وَالسَّابِحَاتِ سَبْحًا

اور ان کی جو تیرتے پھرتے ہیں ‏‏

فَالسَّابِقَاتِ سَبْقًا

پھر لپک کر آگے بڑھتے ہیں

فَالْمُدَبِّرَاتِ أَمْرًا

پھر (دنیا کے) کاموں کا انتظام کرتے ہیں ‏

يَوْمَ تَرْجُفُ الرَّاجِفَةُ

(کہ وہ دن آ کر رہے گا) جس دن زمین کو بھونچال آئے گا ‏

تَتْبَعُهَا الرَّادِفَةُ

پھر اس کے پیچھے اور (بھونچال) آئے گا ‏‏

قُلُوبٌ يَوْمَئِذٍ وَاجِفَةٌ

اس دن (لوگوں) کے دل خائف ہو رہے ہوں گے ‏‏

أَبْصَارُهَا خَاشِعَةٌ

اور آنکھیں جھکی ہوئی ‏‏

يَقُولُونَ أَإِنَّا لَمَرْدُودُونَ فِي الْحَافِرَةِ 

(کافر) کہتے ہیں کیا ہم الٹے پاؤں پھر لوٹیں گے؟ ‏‏

أَإِذَا كُنَّا عِظَامًا نَخِرَةً

بھلا جب ہم کھوکھلی ہڈیاں ہو جائیں گے (تو پھر زندہ کیے جائیں گے) ‏‏

قَالُوا تِلْكَ إِذًا كَرَّةٌ خَاسِرَةٌ

کہتے ہیں کہ یہ لوٹنا تو (موجب) زیاں ہے ‏

فَإِنَّمَا هِيَ زَجْرَةٌ وَاحِدَةٌ

وہ تو صرف ایک ڈانٹ ہوگی ‏‏

فَإِذَا هُمْ بِالسَّاهِرَةِ

اس وقت وہ (سب) میدان (حشر) میں آ جمع ہوں گے۔ ‏

هَلْ أَتَاكَ حَدِيثُ مُوسَى

بھلا تم کو موسیٰ کی حکایت پہنچی ہے ‏

إِذْ نَادَاهُ رَبُّهُ بِالْوَادِ الْمُقَدَّسِ طُوًى

جب ان کے پروردگار نے ان کو پاک میدان (یعنی) طوٰ ی میں پکارا ‏

اذْهَبْ إِلَى فِرْعَوْنَ إِنَّهُ طَغَى

(اور حکم دیا) کہ فرعون کے پاس جاؤ وہ سرکش ہو رہا ہے ‏

فَقُلْ هَلْ لَكَ إِلَى أَنْ تَزَكَّى

اور (اس سے) کہو کیا تو چاہتا ہے کہ پاک ہو جائے ‏‏

وَأَهْدِيَكَ إِلَى رَبِّكَ فَتَخْشَى

اور میں تجھے تیرے پروردگار کا راستہ بتاؤں تاکہ تجھ کو خوف (پیدا) ہو ‏‏

فَأَرَاهُ الْآيَةَ الْكُبْرَى  

غرض انہوں نے اس کو بڑی نشانی دکھائی۔ ‏

فَكَذَّبَ وَعَصَى

اس نے جھٹلایا اور نہ مانا ‏‏

ثُمَّ أَدْبَرَ يَسْعَى

پھر لوٹ گیا اور تدبیریں کرنے لگا ‏

فَحَشَرَ فَنَادَى

اور (لوگوں) کو اکھٹا کیا اور پکارا ‏

فَقَالَ أَنَا رَبُّكُمُ الْأَعْلَى

کہنے لگا کہ تمہارا سب سے بڑا مالک میں ہوں ‏

فَأَخَذَهُ اللَّهُ نَكَالَ الْآخِرَةِ وَالْأُولَى

تو خدا نے اس کو دنیا اور آخرت (دونوں) کے عذاب میں پکڑ لیا ‏‏

إِنَّ فِي ذَلِكَ لَعِبْرَةً لِمَنْ يَخْشَى

جو شخص (خدا سے) ڈر رکھتا ہے اس کیلئے اس (قصے) میں عبرت ہے ‏

أَأَنْتُمْ أَشَدُّ خَلْقًا أَمِ السَّمَاءُ ۚ

بھلا تمہارا بنانا مشکل ہے یا آسمان کا؟

بَنَاهَا

اسی نے اس کو بنایا ‏

رَفَعَ سَمْكَهَا فَسَوَّاهَا

اس کی چھت کو اونچا کیا پھر اسے برابر کر دیا ‏ ‏‏

وَأَغْطَشَ لَيْلَهَا وَأَخْرَجَ ضُحَاهَا

اور اسی نے رات کو تاریک بنایا اور (دن کو) دھوپ نکالی ‏ ‏

وَالْأَرْضَ بَعْدَ ذَلِكَ دَحَاهَا  

اور اس کے بعد زمین کو پھیلا دیا ‏ ‏

أَخْرَجَ مِنْهَا مَاءَهَا وَمَرْعَاهَا

اسی نے اس میں سے اس کا پانی نکالا اور چارا اگایا ‏ ‏

وَالْجِبَالَ أَرْسَاهَا 

اور اس پر پہاڑوں کا بوجھ رکھ دیا ‏ ‏

مَتَاعًا لَكُمْ وَلِأَنْعَامِكُمْ  

یہ سب کچھ تمہارے اور تمہارے چوپایوں کے فائدے کےلیے (کیا) ‏ ‏

فَإِذَا جَاءَتِ الطَّامَّةُ الْكُبْرَى  

تو جب بڑی آفت آئے گی ‏ ‏

يَوْمَ يَتَذَكَّرُ الْإِنْسَانُ مَا سَعَى  

اس دن انسان اپنے کاموں کو یاد کرے گا ‏ ‏

وَبُرِّزَتِ الْجَحِيمُ لِمَنْ يَرَى 

اور دوزخ دیکھنے والے کے سامنے نکال کر رکھ دی جائے گی۔ ‏ ‏

فَأَمَّا مَنْ طَغَى  

تو جس نے سرکشی کی ‏

وَآثَرَ الْحَيَاةَ الدُّنْيَا  

اور دنیا کی زندگی کو مقدم سمجھا ‏ ‏

فَإِنَّ الْجَحِيمَ هِيَ الْمَأْوَى 

اس کا ٹھکانا دوزخ ہے ‏

وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى 

اور جو اپنے پروردگار کے سامنے کھڑے ہونے سے ڈرتا اور دل کو خواہشوں سے روکتا رہا ‏ ‏

فَإِنَّ الْجَنَّةَ هِيَ الْمَأْوَى 

اس کا ٹھکانا بہشت ہے ‏ ‏

يَسْأَلُونَكَ عَنِ السَّاعَةِ أَيَّانَ مُرْسَاهَا 

(اے پیغمبر صلی اللہ علیہ وسلم! لوگ)

تم سے قیامت کے بارے میں پوچھتے ہیں کہ اس کا وقوع کب ہوگا؟ ‏

فِيمَ أَنْتَ مِنْ ذِكْرَاهَا 

سو تم اس کے ذکر سے کس فکر میں ہو؟ ‏

إِلَى رَبِّكَ مُنْتَهَاهَا 

اس کا منتہا (یعنی واقع ہونے کا وقت) تمہارے پروردگار ہی کو معلوم ہے ‏‏

إِنَّمَا أَنْتَ مُنْذِرُ مَنْ يَخْشَاهَا 

جو شخص اس سے ڈر رکھتا ہے تم تو اسی کو ڈر سنانے والے ہو ‏‏

كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا 

جب وہ اس کو دیکھیں گے (تو ایسا خیال کرینگے) کہ گویا (دنیا میں صرف) ایک شام یا صبح رہے تھے ‏‏

***********