القرآن الحکیم (اردو ترجمہ)

حضرت شاہ عبدالقادر

سورۃ الشعراء

Previous           Index           Next

بِسْمِ اللَّهِ الرَّحْمَنِ الرَّحِيمِ

 

طسم

طا سین میم۔

.1

تِلْكَ آيَاتُ الْكِتَابِ الْمُبِينِ

یہ آیتیں ہیں کھول سنائی کتاب کی (جو اپنا مدعا صاف صاف بیان کرتی ہیں) ۔

.2

لَعَلَّكَ بَاخِعٌ نَفْسَكَ أَلَّا يَكُونُوا مُؤْمِنِينَ

شاید تو گھونٹ مارے اپنی جان اس پر کہ وہ یقین نہیں کرتے۔

.3

 ‏إِنْ نَشَأْ نُنَزِّلْ عَلَيْهِمْ مِنَ السَّمَاءِ آيَةً  فَظَلَّتْ أَعْنَاقُهُمْ لَهَا خَاضِعِينَ

 اگر ہم چاہیں اتار دیں اُن پر آسمان سے ایک نشانی،  پھر رہ جائیں انکی گردنیں اسکے آگے نیچی (جھکی ہوئی) ۔

.4

وَمَا يَأْتِيهِمْ مِنْ ذِكْرٍ مِنَ الرَّحْمَنِ مُحْدَثٍ إِلَّا كَانُوا عَنْهُ مُعْرِضِينَ

 اور نہیں پہنچتی ان پاس کوئی نصیحت رحمٰن سے نئی، جس سے منہ نہیں موڑتے۔

.5

فَقَدْ كَذَّبُوا فَسَيَأْتِيهِمْ أَنْبَاءُ مَا كَانُوا بِهِ يَسْتَهْزِئُونَ

 سو یہ جھٹلا چکے،  اب پہنچے گی ان پر حقیقت اس بات کی جس پر ٹھٹھے (مذاق) کرتے تھے۔

.6

أَوَلَمْ يَرَوْا إِلَى الْأَرْضِ كَمْ أَنْبَتْنَا فِيهَا مِنْ كُلِّ زَوْجٍ كَرِيمٍ

 کیا نہیں دیکھتے زمین کو، کتنی اگائی ہم نے اس میں ہر بھانت بھانت (طرح طرح کی) چیزیں خاصی؟

.7

إِنَّ فِي ذَلِكَ لَآيَةً ۖ  وَمَا كَانَ أَكْثَرُهُمْ مُؤْمِنِينَ

 اس میں البتہ نشان ہے۔ اور وہ بہت لوگ نہیں ماننے والے۔

.8

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم والا۔

.9

وَإِذْ نَادَى رَبُّكَ مُوسَى أَنِ ائْتِ الْقَوْمَ الظَّالِمِينَ

 اور جب پکارا تیرے رب نے موسیٰ کو، کہ جا اُس قوم گنہگار پاس۔

.10

قَوْمَ فِرْعَوْنَ ۚ

قوم فرعون پاس۔

أَلَا يَتَّقُونَ

 کیا اُ س کو ڈر نہیں۔

.11

قَالَ رَبِّ إِنِّي أَخَافُ أَنْ يُكَذِّبُونِ

بولا اے رب! میں ڈرتا ہوں کہ مجھ کو جھٹلائیں۔

.12

وَيَضِيقُ صَدْرِي وَلَا يَنْطَلِقُ لِسَانِي  فَأَرْسِلْ إِلَى هَارُونَ

 اور رُک جاتا ہے میرا جی، اور نہیں چلتی میری زبان، سو پیغام دے ہارون کو۔

.13

وَلَهُمْ عَلَيَّ ذَنْبٌ  فَأَخَافُ أَنْ يَقْتُلُونِ

اور اُن کو ہے مجھ پر ایک گناہ کا دعوٰی سو ڈرتا ہوں کہ مجھ کو مار ڈالیں۔

.14

قَالَ كَلَّا ۖ

 فرمایا کوئی (ہرگز ایسا) نہیں!

فَاذْهَبَا بِآيَاتِنَا ۖ  إِنَّا مَعَكُمْ مُسْتَمِعُونَ

تم دونوں جاؤ لے کر ہماری نشانیاں، ہم ساتھ تمہارے سنتے ہیں۔

.15

فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ

سو جاؤ فرعون پاس اور کہو، ہم پیغام لائے ہیں جہان کے صاحب کا۔

.16

أَنْ أَرْسِلْ مَعَنَا بَنِي إِسْرَائِيلَ

 کہ چلائے (روانہ کرے) ہمارے ساتھ بنی اسرائیل کو۔

.17

قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ

بولا، ہم نے پالا نہیں تجھ کو اپنے اندر لڑکا سا اور رہا تُو ہم میں اپنی عمر میں سے کئی برس۔

.18

وَفَعَلْتَ فَعْلَتَكَ الَّتِي فَعَلْتَ وَأَنْتَ مِنَ الْكَافِرِينَ

 اور کر گیا تُو اپنا وہ کام جو کر گیا، اور تُو ہے نا شکر۔

.19

قَالَ فَعَلْتُهَا إِذًا وَأَنَا مِنَ الضَّالِّينَ

 کہا، کیا تو ہے میں نے وہ اور میں تھا چُوکنے والا۔

.20

فَفَرَرْتُ مِنْكُمْ لَمَّا خِفْتُكُمْ

پھر بھاگا میں تم سے، جب تمہارا ڈر دیکھا،

فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ

پھر بخشا مجھ کو میرے رب نے حکم، اور ٹھہرایا مجھ کو پیغام پہنچانے والا۔

.21

وَتِلْكَ نِعْمَةٌ تَمُنُّهَا عَلَيَّ أَنْ عَبَّدْتَ بَنِي إِسْرَائِيلَ

 اور وہ احسان ہے جو تُو مجھ پر رکھے (اس لئے کہ) غلام کر لئے تُو نے بنی اسرائیل۔

.22

قَالَ فِرْعَوْنُ وَمَا رَبُّ الْعَالَمِينَ

 بولا فرعون، کیا معنی جہان کا صاحب؟

.23

قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ

 کہا، صاحب آسمان و زمین کا، اور جو ان کے بیچ ہے۔

إِنْ كُنْتُمْ مُوقِنِينَ

اگر تم یقین کرو۔

.24

قَالَ لِمَنْ حَوْلَهُ أَلَا تَسْتَمِعُونَ

 بولا اپنے (ارد) گرد والوں سے، (کیا) تم نہیں سنتے ہو (جو یہ کہہ رہا ہے) ؟

.25

قَالَ رَبُّكُمْ وَرَبُّ آبَائِكُمُ الْأَوَّلِينَ

 کہا، صاحب تمہارا، اور صاحب تمہارے اگلے باپ دادوں کا۔

.26

قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ

 (فرعون) بولا (حاضرین سے) تمہارا پیغام والا، جو تمہاری طرف بھیجا ہے، سو باؤلا (دیوانہ) ہے۔

.27

قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ

 کہا(موسیٰ نے) ، رب مشرق اور مغرب کا، اور جو اُن کے بیچ ہے۔

إِنْ كُنْتُمْ تَعْقِلُونَ

 اگر تم بوجھ (سمجھ) رکھتے ہو۔

.28

قَالَ لَئِنِ اتَّخَذْتَ إِلَهًا غَيْرِي لَأَجْعَلَنَّكَ مِنَ الْمَسْجُونِينَ

 (فرعون) بولا، اگر تُو نے ٹھہرایا کوئی اور حاکم میرے سوا، تو مقرر (ضرور) ڈالوں گا تجھ کو قید میں۔

.29

قَالَ أَوَلَوْ جِئْتُكَ بِشَيْءٍ مُبِينٍ

 کہا(موسیٰ نے) ، اور جو لایا ہوں تیرے پاس ایک چیز کھول دینے والی(واضح) ؟

.30

قَالَ فَأْتِ بِهِ إِنْ كُنْتَ مِنَ الصَّادِقِينَ

 (فرعون) بولا، تو وہ چیز لا اگر تو سچ کہتا ہے۔

.31

فَأَلْقَى عَصَاهُ فَإِذَا هِيَ ثُعْبَانٌ مُبِينٌ

پھر ڈال دی (موسیٰ نے) اپنی لاٹھی، تو اسی وقت وہ ناگ ہو گئی صریح(سچ مُچ) ۔

.32

وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ

 اور اندر سے نکالا اپنا ہاتھ، تو اسی وقت چِٹا (سفید) ہے دیکھنے والوں کے سامنے۔

.33

قَالَ لِلْمَلَإِ حَوْلَهُ إِنَّ هَذَا لَسَاحِرٌ عَلِيمٌ

(فرعون) بولا، اپنے (ارد) گرد کے سرداروں سے، یہ کوئی جادوگر ہے پڑھا (ماہر) ۔

.34

يُرِيدُ أَنْ يُخْرِجَكُمْ مِنْ أَرْضِكُمْ بِسِحْرِهِ

چاہتا ہے کہ نکال دے تم کو تمہارے دیس سے اپنے جادو کے زور سے۔

فَمَاذَا تَأْمُرُونَ

سو اب کیا حکم(مشورہ) دیتے ہو؟

.35

قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ

 بولے ڈھیل دے اس کو اور اس کے بھائی کو، اور بھیج شہروں میں نقیب۔

.36

يَأْتُوكَ بِكُلِّ سَحَّارٍ عَلِيمٍ

 لے آئیں تیرے پاس جو بڑا جادوگر ہو پڑھا(ماہر) ۔

.37

فَجُمِعَ السَّحَرَةُ لِمِيقَاتِ يَوْمٍ مَعْلُومٍ

 پھر اکٹھے کئے جادوگر، وعدہ پر ایک مقرر دن کے۔

.38

وَقِيلَ لِلنَّاسِ هَلْ أَنْتُمْ مُجْتَمِعُونَ

 اور کہہ دیا لوگوں کو، تم بھی اکٹھے ہوتے ہو۔

.39

لَعَلَّنَا نَتَّبِعُ السَّحَرَةَ إِنْ كَانُوا هُمُ الْغَالِبِينَ

 شاید ہم راہ پکڑیں جادوگروں کی اگر ہو جائیں وہی زبر (غالب) ۔

.40

فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِنْ كُنَّا نَحْنُ الْغَالِبِينَ

 پھر جب آئے جادوگر، کہنے لگے فرعون سے بھلا کچھ ہمارا نیگ (اجر) بھی ہے اگر ہو جائیں ہم زبر(غالب) ۔

.41

قَالَ نَعَمْ وَإِنَّكُمْ إِذًا لَمِنَ الْمُقَرَّبِينَ

(فرعون) بولا البتہ! تم اس وقت نزدیک والوں (مقربین) میں ہو گے۔

.42

قَالَ لَهُمْ مُوسَى أَلْقُوا مَا أَنْتُمْ مُلْقُونَ

 کہا ان کو موسیٰ نے ڈالو جو تم ڈالتے ہو۔

.43

فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ

 پھر ڈالیں انہوں نے اپنی رسیاں اور لاٹھیاں، اور بولے، فرعون کے اقبال سے ہم ہی زبر (غالب) رہے۔

.44

فَأَلْقَى مُوسَى عَصَاهُ فَإِذَا هِيَ تَلْقَفُ مَا يَأْفِكُونَ

 پھر ڈالا موسیٰ نے اپنا عصا،  پھر تبھی وہ نگلنے لگا جو سانگ (سوانگ) انہوں نے بنایا تھا۔

.45

فَأُلْقِيَ السَّحَرَةُ سَاجِدِينَ  

پھر اُوندھے گرے جادوگر سجدہ میں۔

.46

قَالُوا آمَنَّا بِرَبِّ الْعَالَمِينَ  

بولے، ہم نے مانا جہان کے رب کو۔

.47

رَبِّ مُوسَى وَهَارُونَ

 جو رب موسیٰ اور ہارون کا۔

.48

قَالَ آمَنْتُمْ لَهُ قَبْلَ أَنْ آذَنَ لَكُمْ ۖ

 بولا تم نے اس کو مان لیا، ابھی میں نے حکم نہیں دیا تم کو۔

إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ ۚ

 مقرر (ضرور) وہ تمہارا بڑا ہے، جس نے تم کو سکھایا جادو۔ سو اب معلوم کرو گے۔

لَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ أَجْمَعِينَ

البتہ کاٹوں گا تمہارے ہاتھ اور دوسرے پاؤں، اور سولی چڑھاؤں تم سب کو۔

.49

قَالُوا لَا ضَيْرَ ۖ  إِنَّا إِلَى رَبِّنَا مُنْقَلِبُونَ

بولے کچھ ڈر نہیں،  ہم کو اپنے رب کی طرف پھر (پلٹ) جانا ہے۔

.50

إِنَّا نَطْمَعُ أَنْ يَغْفِرَ لَنَا رَبُّنَا خَطَايَانَا أَنْ كُنَّا أَوَّلَ الْمُؤْمِنِينَ

 ہم غرض رکھتے ہیں کہ بخشے ہم کو رب ہمارا تقصیریں (خطائیں) ہماری، اس واسطے کہ ہم ہوئے پہلے قبول کرنے والے۔

.51

وَأَوْحَيْنَا إِلَى مُوسَى أَنْ أَسْرِ بِعِبَادِي إِنَّكُمْ مُتَّبَعُونَ

 اور حکم بھیجا ہم نے موسیٰ کو، کہ رات کو لے نکل میرے بندوں کو، البتہ تمہارے پیچھے لگیں گے۔

.52

فَأَرْسَلَ فِرْعَوْنُ فِي الْمَدَائِنِ حَاشِرِينَ

 پھر بھیجے فرعون نے شہروں میں نقیب۔

.53

إِنَّ هَؤُلَاءِ لَشِرْذِمَةٌ قَلِيلُونَ

 (اور کہلا بھیجا) یہ لوگ جو ہیں سو ایک جماعت ہیں تھوڑی سی۔

.54

وَإِنَّهُمْ لَنَا لَغَائِظُونَ

 اور (واقع یہ ہے کہ) وہ مقرر ہم سے جی جلے ہیں۔

.55

وَإِنَّا لَجَمِيعٌ حَاذِرُونَ

 اور ہم سارے خطرہ رکھتے ہیں۔

.56

فَأَخْرَجْنَاهُمْ مِنْ جَنَّاتٍ وَعُيُونٍ

پھر نکالا ہم نے ان کو باغ چھوڑ کر اور چشمے۔

.57

وَكُنُوزٍ وَمَقَامٍ كَرِيمٍ

 اور خزانے اور گھر خاصے۔

.58

كَذَلِكَ وَأَوْرَثْنَاهَا بَنِي إِسْرَائِيلَ

 اسی طرح! اور ہاتھ لگائیں یہ چیزیں بنی اسرائیل کو۔

.59

فَأَتْبَعُوهُمْ مُشْرِقِينَ

 پھر پیچھے پڑے ان کے سورج نکلتے۔

.60

فَلَمَّا تَرَاءَى الْجَمْعَانِ قَالَ أَصْحَابُ مُوسَى إِنَّا لَمُدْرَكُونَ

پھر جب مقابل ہوئیں دونوں فوجیں، کہنے لگے موسیٰ کے لوگ ہم تو پکڑے گئے۔

.61

قَالَ كَلَّا ۖ  إِنَّ مَعِيَ رَبِّي سَيَهْدِينِ

 کہا کوئی (ہرگز) نہیں!میرے ساتھ ہے میرا رب، مجھ کو راہ بتا دے گا۔

.62

فَأَوْحَيْنَا إِلَى مُوسَى أَنِ اضْرِبْ بِعَصَاكَ الْبَحْرَ ۖ

پھر حکم بھیجا ہم نے موسیٰ کو، کہ مار اپنے عصا سے دریا کو۔

فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيمِ

پھر پھٹ گیا، تو ہو گئی ہر پھانک (ٹکڑا) جیسے بڑا پہاڑ۔

.63

وَأَزْلَفْنَا ثَمَّ الْآخَرِينَ

 اور پاس پہنچایا ہم نے اس جگہ دوسروں کو۔

.64

وَأَنْجَيْنَا مُوسَى وَمَنْ مَعَهُ أَجْمَعِينَ

 اور بچا دیا ہم نے موسیٰ کو، اور جو لوگ تھے اسکے ساتھ سارے۔

.65

ثُمَّ أَغْرَقْنَا الْآخَرِينَ

 پھر ڈبو دیا اُن دوسروں کو۔

.66

إِنَّ فِي ذَلِكَ لَآيَةً ۖ  وَمَا كَانَ أَكْثَرُهُمْ مُؤْمِنِينَ

اس چیز میں ایک نشانی ہے۔اور نہیں وہ بہت لوگ ماننے والے۔

.67

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم والا۔

.68

وَاتْلُ عَلَيْهِمْ نَبَأَ إِبْرَاهِيمَ

 اور سنا ان کو خبر ابراہیم کی۔

.69

إِذْ قَالَ لِأَبِيهِ وَقَوْمِهِ مَا تَعْبُدُونَ

 جب کہا اپنے باپ کو اور اسکی قوم کو، تم کیا پوجتے ہو؟

.70

قَالُوا نَعْبُدُ أَصْنَامًا فَنَظَلُّ لَهَا عَاكِفِينَ

 وہ بولے، ہم پوجتے ہیں مورتوں کو، پھر سارے دن اس پاس لگے بیٹھے رہیں۔

.71

قَالَ هَلْ يَسْمَعُونَكُمْ إِذْ تَدْعُونَ

 کہا، کچھ سنتے ہیں تمہارا جب پکارتے ہو۔

.72

أَوْ يَنْفَعُونَكُمْ أَوْ يَضُرُّونَ

یا بھلا کرتے ہیں تمہارا یا بُرا؟

.73

قَالُوا بَلْ وَجَدْنَا آبَاءَنَا كَذَلِكَ يَفْعَلُونَ

بولے نہیں! پر ہم نے پائے اپنے باپ دادے یہی کرتے۔

.74

قَالَ أَفَرَأَيْتُمْ مَا كُنْتُمْ تَعْبُدُونَ

 کہا، بھلا دیکھتے ہو جن کو پوجتے رہے ہو۔

.75

أَنْتُمْ وَآبَاؤُكُمُ الْأَقْدَمُونَ

 تم اور تمہارے باپ دادے اگلے۔

.76

فَإِنَّهُمْ عَدُوٌّ لِي إِلَّا رَبَّ الْعَالَمِينَ

 سو وہ میرے غنیم (دُشمن) ہیں، مگر جہان کا صاحب۔

.77

الَّذِي خَلَقَنِي فَهُوَ يَهْدِينِ

 جس نے مجھ کو بنایا(پیدا کیا) ، سو وہی مجھ کو سوجھ (رہنمائی) دیتا ہے۔

.78

وَالَّذِي هُوَ يُطْعِمُنِي وَيَسْقِينِ

 اور وہ جو مجھ کو کھلاتا ہے اور پلاتا ہے۔

.79

وَإِذَا مَرِضْتُ فَهُوَ يَشْفِينِ

 اور جب میں بیمار ہوتا ہوں تو وہی چنگا (صحت یاب) کرتا ہے۔

.80

وَالَّذِي يُمِيتُنِي ثُمَّ يُحْيِينِ

 اور وہ جو مجھ کو مارے گا، پھر جِلاوے (زندہ کرے) گا۔

.81

وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ

 اور وہ جو مجھ کو توقع ہے کہ بخشے میری تقصیر (خطائیں) دن انصاف کے۔

.82

رَبِّ هَبْ لِي حُكْمًا وَأَلْحِقْنِي بِالصَّالِحِينَ

 اے رب! دے مجھ کو حکم، اور ملا مجھ کو نیکوں میں۔

.83

وَاجْعَلْ لِي لِسَانَ صِدْقٍ فِي الْآخِرِينَ

 اور رکھ میرا بول سچا پچھلوں (بعد والوں) میں۔

.84

وَاجْعَلْنِي مِنْ وَرَثَةِ جَنَّةِ النَّعِيمِ

 اور کر مجھ کو وارثوں میں نعمت کے باغ کے۔

.85

وَاغْفِرْ لِأَبِي إِنَّهُ كَانَ مِنَ الضَّالِّينَ

 اور معاف کر میرے باپ کو، وہ تھا راہ بھولوں میں۔

.86

وَلَا تُخْزِنِي يَوْمَ يُبْعَثُونَ

 اور رسوا نہ کر مجھ کو جس دن جی کر اُٹھیں۔

.87

يَوْمَ لَا يَنْفَعُ مَالٌ وَلَا بَنُونَ

جس دن نہ کام آئے کوئی مال نہ بیٹے۔

.88

إِلَّا مَنْ أَتَى اللَّهَ بِقَلْبٍ سَلِيمٍ

 مگر جو کوئی آیا اﷲ پاس لے کر دل چنگا(قلبِ سلیم) ۔

.89

وَأُزْلِفَتِ الْجَنَّةُ لِلْمُتَّقِينَ

 اور پاس لائے بہشت واسطے ڈر والوں کے۔

.90

وَبُرِّزَتِ الْجَحِيمُ لِلْغَاوِينَ

اور نکالی دوزخ سامنے بے راہوں کے۔

.91

وَقِيلَ لَهُمْ أَيْنَ مَا كُنْتُمْ تَعْبُدُونَ

 اور کہئے ان کو کہاں ہیں جن کو پوجتے تھے۔

.92

مِنْ دُونِ اللَّهِ هَلْ يَنْصُرُونَكُمْ أَوْ يَنْتَصِرُونَ

 اﷲ کے سوا۔ کچھ مدد کرتے ہیں تمہاری یا بدلہ لے سکتے؟

.93

فَكُبْكِبُوا فِيهَا هُمْ وَالْغَاوُونَ

پھر اُوندھے ڈالے اس میں وہ اور سب بے راہ۔

.94

وَجُنُودُ إِبْلِيسَ أَجْمَعُونَ

 اور لشکر ابلیس کے سارے۔

.95

قَالُوا وَهُمْ فِيهَا يَخْتَصِمُونَ

کہیں گے جب وہ وہاں جھگڑنے لگیں۔

.96

تَاللَّهِ إِنْ كُنَّا لَفِي ضَلَالٍ مُبِينٍ

 قسم اﷲ کی! ہم تھے صریح غلطی میں۔

.97

إِذْ نُسَوِّيكُمْ بِرَبِّ الْعَالَمِينَ

 جب تم کو برابر کرتے تھے جہان کے صاحب کے۔

.98

وَمَا أَضَلَّنَا إِلَّا الْمُجْرِمُونَ

 اور ہم کو راہ سے بھلایا سو ان گنہگاروں نے۔

.99

فَمَا لَنَا مِنْ شَافِعِينَ

پھر کوئی نہیں ہماری سفارش کرنے والا۔

.100

وَلَا صَدِيقٍ حَمِيمٍ

 اور نہ کوئی دوست محبت کرنے والا۔

.101

فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ

سو کسی طرح ہم کو پھر (دوبارہ) جانا ہو ، تو ہم ہوں ایمان والوں میں۔

.102

إِنَّ فِي ذَلِكَ لَآيَةً ۖ  وَمَا كَانَ أَكْثَرُهُمْ مُؤْمِنِينَ

 اس بات میں نشانی ہے۔اور وہ بہت لوگ نہیں ماننے والے۔

.103

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم والا۔

.104

كَذَّبَتْ قَوْمُ نُوحٍ الْمُرْسَلِينَ

 جھٹلایا نوح کی قوم نے پیغام لانے والوں کو۔

.105

إِذْ قَالَ لَهُمْ أَخُوهُمْ نُوحٌ أَلَا تَتَّقُونَ

 جب کہا ان کو ان کے بھائی نوح نے، کیا تم کو ڈر نہیں؟

.106

إِنِّي لَكُمْ رَسُولٌ أَمِينٌ

 میں تمہارے واسطے پیغام لانے والا ہوں معتبر۔

.107

فَاتَّقُوا اللَّهَ وَأَطِيعُونِ

 سو ڈرو اﷲ سے اور میرا کہا مانو۔

.108

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ

 اور مانگتا نہیں میں تم سے اس پر کچھ نیگ (اجر) ۔میرا نیگ (اجر) ہے اسی جہان کے صاحب پر۔

.109

فَاتَّقُوا اللَّهَ وَأَطِيعُونِ

 سو ڈرو اﷲ سے اور میرا کہا مانو۔

.110

قَالُوا أَنُؤْمِنُ لَكَ وَاتَّبَعَكَ الْأَرْذَلُونَ

 بولے کیا ہم تجھ کو مانیں؟ اور تیرے ساتھ ہو رہے ہیں کمینے۔

.111

قَالَ وَمَا عِلْمِي بِمَا كَانُوا يَعْمَلُونَ

 کہا مجھ کو کیا جاننا ہے جو کام وہ کر رہے ہیں۔

.112

إِنْ حِسَابُهُمْ إِلَّا عَلَى رَبِّي ۖ لَوْ تَشْعُرُونَ

 اُن کا حساب پوچھنا میرے رب ہی کا کام ہے،اگر تم سمجھ رکھتے ہو۔

.113

وَمَا أَنَا بِطَارِدِ الْمُؤْمِنِينَ

 اور میں ہانکنے (دھکارنے) والا نہیں ایمان لانے والوں کو۔

.114

إِنْ أَنَا إِلَّا نَذِيرٌ مُبِينٌ

 میں تو یہی ڈر سنا دینے والا ہوں کھول کر(واضح طور پر) ۔

.115

قَالُوا لَئِنْ لَمْ تَنْتَهِ يَا نُوحُ لَتَكُونَنَّ مِنَ الْمَرْجُومِينَ

 بولے، اگر تُو نہ چھوڑے گا، اے نوح! تو سنگسار ہو گا۔

.116

قَالَ رَبِّ إِنَّ قَوْمِي كَذَّبُونِ

 کہا، اے رب! میری قوم نے مجھ کو جھٹلایا۔

.117

فَافْتَحْ بَيْنِي وَبَيْنَهُمْ فَتْحًا

 سو فیصلہ کر میرے اُن کے بیچ، کسی طرح کا فیصلہ۔

وَنَجِّنِي وَمَنْ مَعِيَ مِنَ الْمُؤْمِنِينَ

اور بچا لے مجھ کو اور جو میرے ساتھ ہیں ایمان والے۔

.118

فَأَنْجَيْنَاهُ وَمَنْ مَعَهُ فِي الْفُلْكِ الْمَشْحُونِ

 پھر بچا دیا ہم نے اسکو اور جو اسکے ساتھ تھے اس لدی کشتی میں۔

.119

ثُمَّ أَغْرَقْنَا بَعْدُ الْبَاقِينَ

 پھر ڈبودیا پیچھے ان رہے ہوؤں کو۔

.120

إِنَّ فِي ذَلِكَ لَآيَةً ۖ

 البتہ اس بات میں نشانی ہے۔

وَمَا كَانَ أَكْثَرُهُمْ مُؤْمِنِينَ

اور وہ بہت لوگ نہیں ماننے والے۔

.121

وَإِنَّ رَبَّكَ لَهُوَ الْعَزِيزُ الرَّحِيمُ

اور تیرا رب وہی ہے زبردست رحم والا۔

.122

كَذَّبَتْ عَادٌ الْمُرْسَلِينَ

 جھٹلایا عاد نے پیغام لانے والوں کو۔

.123

إِذْ قَالَ لَهُمْ أَخُوهُمْ هُودٌ أَلَا تَتَّقُونَ

 جب کہا ان کو ان کے بھائی ہود نے کیا تم کو ڈر نہیں؟

.124

إِنِّي لَكُمْ رَسُولٌ أَمِينٌ

میں تمہارے پاس پیغام لانے والا ہوں معتبر۔

.125

فَاتَّقُوا اللَّهَ وَأَطِيعُونِ

سو ڈرو اﷲ سے اور میرا کہا مانو۔

.126

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ

 اور نہیں مانگتا میں تم سے اُس پر کچھ نیگ (اجر) ۔میرا نیگ (اجر) ہے اسی جہان کے صاحب پر۔

.127

أَتَبْنُونَ بِكُلِّ رِيعٍ آيَةً تَعْبَثُونَ

 کیا بناتے ہو ہر ٹیلے پر ایک نشان کھیلنے کو؟

.128

وَتَتَّخِذُونَ مَصَانِعَ لَعَلَّكُمْ تَخْلُدُونَ

 اور بناتے ہو کاریگریاں(بڑی بڑی عمارتیں) ، شاید تم ہمیشہ رہو گے۔

.129

وَإِذَا بَطَشْتُمْ بَطَشْتُمْ جَبَّارِينَ

 اور جب ہاتھ ڈالتے ہو تو پنجہ مارتے ہو ظلم سے۔

.130

فَاتَّقُوا اللَّهَ وَأَطِيعُونِ

سو ڈرو اﷲ سے، اور میرا کہا مانو۔

.131

وَاتَّقُوا الَّذِي أَمَدَّكُمْ بِمَا تَعْلَمُونَ

 اور ڈرو اس سے جس نے تم کو پہنچایا (عطا کیا) ہے جو کچھ جانتے ہو۔

.132

أَمَدَّكُمْ بِأَنْعَامٍ وَبَنِينَ

 پہنچائے (عطا فرمائے) تم کو چوپائے اور بیٹے۔

.133

وَجَنَّاتٍ وَعُيُونٍ

 اور باغ اور چشمے۔

.134

إِنِّي أَخَافُ عَلَيْكُمْ عَذَابَ يَوْمٍ عَظِيمٍ

 میں ڈرتا ہوں تم پر ایک بڑے دن کی آفت سے۔

.135

قَالُوا سَوَاءٌ عَلَيْنَا أَوَعَظْتَ أَمْ لَمْ تَكُنْ مِنَ الْوَاعِظِينَ

 بولے، ہم کو برابر ہے تو نصیحت کرے یا نہ بنے نصیحت کرنے والا۔

.136

إِنْ هَذَا إِلَّا خُلُقُ الْأَوَّلِينَ

 اور کچھ نہیں یہ، عادت ہے اگلے لوگوں کی۔

.137

وَمَا نَحْنُ بِمُعَذَّبِينَ

 اور ہم کو آفت نہیں آنے والی۔

.138

فَكَذَّبُوهُ فَأَهْلَكْنَاهُمْ ۗ

 پھر اس کو جھٹلانے لگے تو ہم نے ان کو کھپا (ہلاک کر) دیا۔

إِنَّ فِي ذَلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ

اس بات میں البتہ نشان ہے، اور وہ لوگ بہت نہیں ماننے والے۔

.139

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم والا۔

.140

كَذَّبَتْ ثَمُودُ الْمُرْسَلِينَ

 جھٹلایا ثمود نے پیغام لانے والوں کو۔

.141

إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ

 جب کہا ان کو انکے بھائی صالح نے، کیا تم کو ڈر نہیں؟

.142

إِنِّي لَكُمْ رَسُولٌ أَمِينٌ

 میں تم پاس پیغام لانے والا ہوں معتبر۔

.143

فَاتَّقُوا اللَّهَ وَأَطِيعُونِ

سو ڈرو اﷲ سے اور میرا کہا مانو۔

.144

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ

 اور نہیں مانگتا میں تم سے اس پر کچھ نیگ (اجر) ۔میرا نیگ (اجر) ہے اُسی جہان کے صاحب پر۔

.145

أَتُتْرَكُونَ فِي مَا هَاهُنَا آمِنِينَ

کیا چھوڑ دیں گے تم کو یہاں کی چیزوں میں نڈر؟

.146

فِي جَنَّاتٍ وَعُيُونٍ

 باغوں اور چشموں میں۔

.147

وَزُرُوعٍ وَنَخْلٍ طَلْعُهَا هَضِيمٌ

 اور کھیتوں میں اور کھجوروں میں جن کا گابھا (گُودا) ملائم۔

.148

وَتَنْحِتُونَ مِنَ الْجِبَالِ بُيُوتًا فَارِهِينَ

 اور تراشتے ہو پہاڑوں کے گھر تکلف سے۔

.149

فَاتَّقُوا اللَّهَ وَأَطِيعُونِ

سو ڈرو اﷲ سے اور میرا کہا مانو۔

.150

وَلَا تُطِيعُوا أَمْرَ الْمُسْرِفِينَ

 اور نہ مانو حکم بے باک لوگوں کا۔

.151

الَّذِينَ يُفْسِدُونَ فِي الْأَرْضِ وَلَا يُصْلِحُونَ

 جو بگاڑ کرتے ہیں ملک میں اور سنوار نہیں کرتے۔

.152

قَالُوا إِنَّمَا أَنْتَ مِنَ الْمُسَحَّرِينَ

 بولے، تجھ پر کسی نے جادو کیا ہے۔

.153

مَا أَنْتَ إِلَّا بَشَرٌ مِثْلُنَا فَأْتِ بِآيَةٍ إِنْ كُنْتَ مِنَ الصَّادِقِينَ

 تُو یہی ایک آدمی ہے جیسے ہم۔ سو لے آ کچھ نشانی، اگر تُو سچا ہے۔

.154

قَالَ هَذِهِ نَاقَةٌ لَهَا شِرْبٌ وَلَكُمْ شِرْبُ يَوْمٍ مَعْلُومٍ

 کہا، یہ اُونٹنی ہے!اس کو پانی پینے کی ایک باری، اور تم کو باری ایک دن کی مقرر۔

.155

وَلَا تَمَسُّوهَا بِسُوءٍ  فَيَأْخُذَكُمْ عَذَابُ يَوْمٍ عَظِيمٍ

 اور نہ چھیڑیو اس کو بُری طرح، پھر پکڑے تم کو آفت ایک بڑے دن کی۔

.156

فَعَقَرُوهَا فَأَصْبَحُوا نَادِمِينَ

 پھر کاٹ(مار) ڈالی وہ اُونٹنی،پھر کل کو رہ گئے پچھتاتے۔

.157

فَأَخَذَهُمُ الْعَذَابُ ۗ

پھر پکڑا ان کو عذاب نے،

إِنَّ فِي ذَلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ

البتہ اس بات میں نشانی ہے،اور وہ بہت لوگ نہیں ماننے والے۔

.158

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم کرنے والا۔

.159

كَذَّبَتْ قَوْمُ لُوطٍ الْمُرْسَلِينَ

 جھٹلایا لوط کی قوم نے پیغام لانے والوں کو۔

.160

إِذْ قَالَ لَهُمْ أَخُوهُمْ لُوطٌ أَلَا تَتَّقُونَ

 اور جب کہا ان کو ان کے بھائی لوط نے، کیا تم کو ڈر نہیں؟

.161

إِنِّي لَكُمْ رَسُولٌ أَمِينٌ

 میں تم کو پیغام لانے والا ہوں معتبر۔

.162

فَاتَّقُوا اللَّهَ وَأَطِيعُونِ

 سو ڈرو اﷲ سے اور میرا کہا مانو۔

.163

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَى رَبِّ الْعَالَمِينَ

 اور مانگتا نہیں میں تم سے اس پر کچھ نیگ (اجر) ، میرا نیگ (اجر) ہے اس جہان کے صاحب پر۔

.164

أَتَأْتُونَ الذُّكْرَانَ مِنَ الْعَالَمِينَ

 کیا دوڑتے ہو جہان کے مَردوں پر؟

.165

وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ ۚ

 اور چھوڑتے ہو جو تم کو بنا دیں تمہارے رب نے تمہاری جورویں(بیویاں) ؟

 بَلْ أَنْتُمْ قَوْمٌ عَادُونَ

بلکہ تم لوگ ہو حد سے بڑھنے والے۔

.166

قَالُوا لَئِنْ لَمْ تَنْتَهِ يَا لُوطُ لَتَكُونَنَّ مِنَ الْمُخْرَجِينَ

بولے، اگر نہ چھوڑے گا تُو، اے لوط! تو تُو نکالا جائے گا۔

.167

قَالَ إِنِّي لِعَمَلِكُمْ مِنَ الْقَالِينَ

 کہا، میں تمہارے کام سے البتہ بیزار ہوں۔

.168

رَبِّ نَجِّنِي وَأَهْلِي مِمَّا يَعْمَلُونَ

 اے رب! خلاص کر (نجات دے) مجھ کو اور میرے گھر والوں کو ان کاموں سے جو یہ کرتے ہیں۔

.169

فَنَجَّيْنَاهُ وَأَهْلَهُ أَجْمَعِينَ

پھر بچا دیا ہم نے اس کو اور اس کے گھر والوں کو سارے۔

.170

إِلَّا عَجُوزًا فِي الْغَابِرِينَ

 مگر ایک بڑھیا رہی (پیچھے) رہنے والوں میں۔

.171

ثُمَّ دَمَّرْنَا الْآخَرِينَ

پھر اُکھاڑ مارا ہم نے اُن دوسروں کو۔

.172

وَأَمْطَرْنَا عَلَيْهِمْ مَطَرًا ۖ فَسَاءَ مَطَرُ الْمُنْذَرِينَ

 اور برسایا اُن پر ایک برساؤ ، سو کیا بُرا برساؤ تھا اُن ڈرائے ہوؤں کا ۔

.173

إِنَّ فِي ذَلِكَ لَآيَةً ۖ  وَمَا كَانَ أَكْثَرُهُمْ مُؤْمِنِينَ

 البتہ اس بات میں نشانی ہے۔اور بہت لوگ نہیں ماننے والے۔

.174

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم والا۔

.175

كَذَّبَ أَصْحَابُ الْأَيْكَةِ الْمُرْسَلِينَ

جھٹلایا بَن کے رہنے والوں نے پیغام لانے والوں کو۔

.176

إِذْ قَالَ لَهُمْ شُعَيْبٌ أَلَا تَتَّقُونَ

 جب کہا ان کو شعیب نے، کیا تم کو ڈر نہیں؟

.177

إِنِّي لَكُمْ رَسُولٌ أَمِينٌ

 میں تم کو پیغام لانے والا ہوں معتبر۔

.178

فَاتَّقُوا اللَّهَ وَأَطِيعُونِ

سو ڈرو اﷲ سے، اور میرا کہا مانو۔

.179

وَمَا أَسْأَلُكُمْ عَلَيْهِ مِنْ أَجْرٍ ۖ  إِنْ أَجْرِيَ إِلَّا عَلَى رَبِّ الْعَالَمِينَ

 اور نہیں مانگتا میں تم سے اس پر کچھ نیگ (اجر) ۔میرا نیگ (اجر) ہے اسی جہان کے صاحب پر۔

.180

أَوْفُوا الْكَيْلَ وَلَا تَكُونُوا مِنَ الْمُخْسِرِينَ

پورا بھر دو ماپ اور نہ ہو نقصان دینے والے۔

.181

وَزِنُوا بِالْقِسْطَاسِ الْمُسْتَقِيمِ

 اور تولو سیدھی ترازو۔

.182

وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ

 اور مت گھٹا دو لوگوں کو اُن کی چیزیں،اور مت دوڑو مُلک میں خرابی ڈالتے۔

.183

وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ

 اور ڈرو اُس سے، جس نے بنایا (پیدا کیا) تم کو اور اگلی خلقت (پہلی مخلوق) کو۔

.184

قَالُوا إِنَّمَا أَنْتَ مِنَ الْمُسَحَّرِينَ

 بولے، تجھ کو کسی نے جادو کیا ہے۔

.185

وَمَا أَنْتَ إِلَّا بَشَرٌ مِثْلُنَا وَإِنْ نَظُنُّكَ لَمِنَ الْكَاذِبِينَ

اور تُو یہی ایک آدمی ہے جیسے ہم،اور ہمارے خیال میں تو تُو جھوٹا ہے۔

.186

فَأَسْقِطْ عَلَيْنَا كِسَفًا مِنَ السَّمَاءِ إِنْ كُنْتَ مِنَ الصَّادِقِينَ

 سو دے مار ہم پر کوئی پٹرا (ٹکڑا) آسمان کا، اگر تُو سچا ہے۔

.187

قَالَ رَبِّي أَعْلَمُ بِمَا تَعْمَلُونَ

 کہا، میرا رب خوب جانتا ہے جو تم کرتے ہو۔

.188

فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ

 پھر اس کو جھٹلایا، پھر پکڑا ان کو آفت نے سائبان والے دن کی،

إِنَّهُ كَانَ عَذَابَ يَوْمٍ عَظِيمٍ

بیشک وہ تھا عذاب بڑے دن کا۔

.189

إِنَّ فِي ذَلِكَ لَآيَةً ۖ  وَمَا كَانَ أَكْثَرُهُمْ مُؤْمِنِينَ

 البتہ اس بات میں نشانی ہے۔اور وہ بہت لوگ نہیں ماننے والے۔

.190

وَإِنَّ رَبَّكَ لَهُوَ الْعَزِيزُ الرَّحِيمُ

 اور تیرا رب وہی ہے زبردست رحم والا۔

.191

وَإِنَّهُ لَتَنْزِيلُ رَبِّ الْعَالَمِينَ

 اور یہ قرآن ہے اُتارا جہان کے صاحب کا۔

.192

نَزَلَ بِهِ الرُّوحُ الْأَمِينُ

 لے اُترا ہے اس کو فرشتہ معتبر۔

.193

عَلَى قَلْبِكَ لِتَكُونَ مِنَ الْمُنْذِرِينَ

 تیرے دل پر، کہ تُو ہو ڈر سنانے والا۔

.194

بِلِسَانٍ عَرَبِيٍّ مُبِينٍ

 کھلی عربی زبان سے۔

.195

وَإِنَّهُ لَفِي زُبُرِ الْأَوَّلِينَ

اور یہ لکھا ہے پہلوں کی کتابوں میں۔

.196

أَوَلَمْ يَكُنْ لَهُمْ آيَةً أَنْ يَعْلَمَهُ عُلَمَاءُ بَنِي إِسْرَائِيلَ

 کیا ان کو نشانی نہیں ہو چکی؟

اس کی خبر رکھتے ہیں پڑھے لوگ بنی اسرائیل کے۔

.197

وَلَوْ نَزَّلْنَاهُ عَلَى بَعْضِ الْأَعْجَمِينَ

 اور اگر اتارتے ہم یہ کتاب کسی اوپری زبان والے (عجمی) پر۔

.198

فَقَرَأَهُ عَلَيْهِمْ مَا كَانُوا بِهِ مُؤْمِنِينَ

 اور وہ اس کو پڑھتا، تو بھی اس کو یقین نہ لاتے۔

.199

كَذَلِكَ سَلَكْنَاهُ فِي قُلُوبِ الْمُجْرِمِينَ

 اسی طرح پیٹھا (ڈالا) ہم نے اس کو گنہگاروں کے دل میں۔

.200

لَا يُؤْمِنُونَ بِهِ حَتَّى يَرَوُا الْعَذَابَ الْأَلِيمَ

وہ نہ مانیں گے اس کو، جب تک نہ دیکھیں گے دُکھ کی مار۔

.201

فَيَأْتِيَهُمْ بَغْتَةً وَهُمْ لَا يَشْعُرُونَ

پھر آئے ان پر اچانک اور ان کو خبر نہ ہو۔

.202

فَيَقُولُوا هَلْ نَحْنُ مُنْظَرُونَ

پھر کہنے لگیں کچھ بھی ہم کو فرصت ملے۔

.203

أَفَبِعَذَابِنَا يَسْتَعْجِلُونَ

 کیا ہماری مار جلد مانگتے ہیں؟

.204

أَفَرَأَيْتَ إِنْ مَتَّعْنَاهُمْ سِنِينَ

 بھلا دیکھ تو! اگر برتنے دیا ہم نے ان کو کئی برس۔

.205

ثُمَّ جَاءَهُمْ مَا كَانُوا يُوعَدُونَ

 پھر پہنچا ان پر جسکا ان سے وعدہ تھا۔

.206

مَا أَغْنَى عَنْهُمْ مَا كَانُوا يُمَتَّعُونَ

 کیا کام آئے گا اُن کے جتنا برتتے رہے۔

.207

وَمَا أَهْلَكْنَا مِنْ قَرْيَةٍ إِلَّا لَهَا مُنْذِرُونَ

 اور کوئی بستی نہیں کھپائی (ہلاک کی) ہم نے، جس کو نہ تھے ڈر سنانے والے۔

.208

ذِكْرَى وَمَا كُنَّا ظَالِمِينَ

یاد دلانے کو اور ہمارا کام نہیں ہے ظلم کرنا۔

.209

وَمَا تَنَزَّلَتْ بِهِ الشَّيَاطِينُ

 اور اس کو نہیں لے اُترے شیطان۔

.210

وَمَا يَنْبَغِي لَهُمْ وَمَا يَسْتَطِيعُونَ

 اور اُن سے بن نہ آئے، اور وہ کر نہ سکیں۔

.211

إِنَّهُمْ عَنِ السَّمْعِ لَمَعْزُولُونَ

 اُن کو تو سننے کی جگہ سے کنارہ کر دیا ہے۔

.212

فَلَا تَدْعُ مَعَ اللَّهِ إِلَهًا آخَرَ فَتَكُونَ مِنَ الْمُعَذَّبِينَ

 سو تُو مت پکار اﷲ کے ساتھ دوسرا حاکم، پھر تو تم پڑے عذاب میں۔

.213

وَأَنْذِرْ عَشِيرَتَكَ الْأَقْرَبِينَ

 اور ڈر سنا دے اپنے نزدیک ناتے والوں کو۔

.214

وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ

اور اپنے بازو نیچے رکھ، اُن کے واسطے جو تیرے ساتھ ہوں ایمان والے۔

.215

فَإِنْ عَصَوْكَ فَقُلْ إِنِّي بَرِيءٌ مِمَّا تَعْمَلُونَ

پھر اگر تیری بے حکمی کریں، تو کہہ دے میں الگ ہو تمہارے کام سے۔

.216

وَتَوَكَّلْ عَلَى الْعَزِيزِ الرَّحِيمِ

 اور بھروسہ کر اس زبردست رحم والے پر۔

.217

الَّذِي يَرَاكَ حِينَ تَقُومُ

جو دیکھتا ہے تجھ کو، جب تُو اُٹھتا ہے۔

.218

وَتَقَلُّبَكَ فِي السَّاجِدِينَ

 اور تیرا پھرنا نمازیوں میں۔

.219

إِنَّهُ هُوَ السَّمِيعُ الْعَلِيمُ

 وہ جو ہے وہی ہے سنتا جانتا۔

.220

هَلْ أُنَبِّئُكُمْ عَلَى مَنْ تَنَزَّلُ الشَّيَاطِينُ

میں بتاؤں تم کو کس پر اُترتے ہیں شیطان۔

.221

تَنَزَّلُ عَلَى كُلِّ أَفَّاكٍ أَثِيمٍ

 اُترتے ہیں ہر جھوٹے گنہگار پر۔

.222

يُلْقُونَ السَّمْعَ وَأَكْثَرُهُمْ كَاذِبُونَ

 لا ڈالتے ہیں سُنی بات اور بہت ان میں جھوٹے ہیں۔

.223

وَالشُّعَرَاءُ يَتَّبِعُهُمُ الْغَاوُونَ

 اور شاعروں کی بات پر چلیں وہی جو بے راہ ہیں۔

.224

أَلَمْ تَرَ أَنَّهُمْ فِي كُلِّ وَادٍ يَهِيمُونَ

 تُو نے نہیں دیکھا کہ وہ ہر میدان میں سر مارتے پھرتے ہیں۔

.225

وَأَنَّهُمْ يَقُولُونَ مَا لَا يَفْعَلُونَ

 اور یہ کہ وہ وہ کہتے ہیں جو نہیں کرتے۔

.226

إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا ۗ

 مگر جو یقین لائے، اور کیں نیکیاں، اور یاد کی اﷲ کی بہت،اور بدلہ لیا اس پیچھے کہ اُن پر ظلم ہوا۔

وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ

اور اب معلوم کریں گے ظلم کرنے والے، کس کروٹ الٹتے ہیں۔

*********

.227

Copy Rights:

Zahid Javed Rana, Abid Javed Rana, Lahore, Pakistan

Visits wef 2016

AmazingCounters.com