Quran Arabic with Urdu Translation

Surah Al Zumar

Shah Abdul Qadir

اردو اور عربی فونٹ ڈاؤن لوڈ کرنے کے لئے یہاں کلک کریں

شروع اﷲ کے نام سے جو بڑا مہربان نہایت رحم والا (ہے)۔


تَنْزِيلُ الْكِتَابِ مِنَ اللَّهِ الْعَزِيزِ الْحَكِيمِ

 اُتارا ہے کتاب کا اﷲ سے جو زبردست ہے حکمتوں والا۔

1

 إِنَّا أَنْزَلْنَا إِلَيْكَ الْكِتَابَ بِالْحَقِّ

ہم نے اُتاری ہے تیری طرف کتاب ٹھیک (بر حق) ،

فَاعْبُدِ اللَّهَ مُخْلِصًا لَهُ الدِّينَ

سو بندگی (عبادت) کر اﷲ کی، نری کر کر اسکے واسطے بندگی(مکمل اخلاص کے ساتھ) ۔

2

أَلَا لِلَّهِ الدِّينُ الْخَالِصُ ۚ

سنتا ہے! اﷲ ہی کو ہے بندگی نری(عبادت اور اطاعت) ۔

 وَالَّذِينَ اتَّخَذُوا مِنْ دُونِهِ أَوْلِيَاءَ مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى

جنہوں نے پکڑے ہیں اس سے ورے (سو) حمایتی کہ ہم ان کو پوجتے ہیں اس واسطے کہ

إِنَّ اللَّهَ يَحْكُمُ بَيْنَهُمْ فِي مَا هُمْ فِيهِ يَخْتَلِفُونَ ۗ

ہم کو پہنچادیں اﷲ کی طرف پاس کے درجے۔

بیشک اﷲ چکا (فیصلہ کر) دے گا ان میں جس چیز میں جھگڑ رہے ہیں ۔

إِنَّ اللَّهَ لَا يَهْدِي مَنْ هُوَ كَاذِبٌ كَفَّارٌ

البتہ اﷲ راہ نہیں دیتا (دکھاتا) اس کو جو ہو جھوٹا نہ ماننے والا (منکرِ حق) ۔

3

لَوْ أَرَادَ اللَّهُ أَنْ يَتَّخِذَ وَلَدًا لَاصْطَفَى مِمَّا يَخْلُقُ مَا يَشَاءُ ۚ

اگر اﷲ چاہتا کہ اولاد کرے (بنائے) تو چُن لیتا اپنی خلق میں جو چاہتا،

سُبْحَانَهُ ۖ

وہ پاک ہے،

هُوَ اللَّهُ الْوَاحِدُ الْقَهَّارُ

وہی ہے اﷲ اکیلا دباؤ والا ۔

4

خَلَقَ السَّمَاوَاتِ وَالْأَرْضَ بِالْحَقِّ ۖ

بنائے آسمان اور زمین ٹھیک،

يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْلِ ۖ

لپیٹتا ہے رات کو دن پر، اور لپیٹتا ہے دن کو رات پر،

وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُسَمًّى ۗ

اور کام لگائے سورج اور چاند۔ہر ایک چلتا ہے ایک ٹھہری (مقرر) مدت پر ۔

أَلَا هُوَ الْعَزِيزُ الْغَفَّارُ

سنتا ہے وہی ہے زبردست گناہ بخشنے والا۔

5

خَلَقَكُمْ مِنْ نَفْسٍ وَاحِدَةٍ ثُمَّ جَعَلَ مِنْهَا زَوْجَهَا

 بنایا (پیدا کی) تم کو ایک جی (جان) سے، پھر بنایا اس سے اس کا جوڑا ،

وَأَنْزَلَ لَكُمْ مِنَ الْأَنْعَامِ ثَمَانِيَةَ أَزْوَاجٍ ۚ

اور اُتارے واسطے چوپایوں سے آٹھ نر و مادہ۔

يَخْلُقُكُمْ فِي بُطُونِ أُمَّهَاتِكُمْ خَلْقًا مِنْ بَعْدِ خَلْقٍ فِي ظُلُمَاتٍ ثَلَاثٍ ۚ

بناتا ہے تم کو ماں کے پیٹ میں،طرح پر طرح (ایک بعد دوسری شکل) بناتا،تین اندھیروں کے بیچ۔

ذَلِكُمُ اللَّهُ رَبُّكُمْ لَهُ الْمُلْكُ ۖ

وہ اﷲ ہے رب تمہارا، اسی کا راج ہے،

لَا إِلَهَ إِلَّا هُوَ ۖ  فَأَنَّى تُصْرَفُونَ

کسی کی بندگی نہیں سوا اس کے۔پھر کہاں سے پھرے جاتے ہو؟

6

إِنْ تَكْفُرُوا فَإِنَّ اللَّهَ غَنِيٌّ عَنْكُمْ ۖ  وَلَا يَرْضَى لِعِبَادِهِ الْكُفْرَ ۖ

 اگر تم منکر ہو گے تو اﷲ پروا نہیں رکھتا تمہاری،اور پسند نہیں کرتا اپنے بندوں کی منکری۔

وَإِنْ تَشْكُرُوا يَرْضَهُ لَكُمْ ۗ

اور اگر حق مانو (شُکر کرو) گے تو وہ پسند کر لے گا اس کو تمہارے لئے۔

وَلَا تَزِرُ وَازِرَةٌ وِزْرَ أُخْرَى ۗ

اور نہ اٹھائے گا کوئی اٹھانے والا بوجھ دوسرے کا۔

ثُمَّ إِلَى رَبِّكُمْ مَرْجِعُكُمْ فَيُنَبِّئُكُمْ بِمَا كُنْتُمْ تَعْمَلُونَ ۚ

پھر اپنے رب کی طرف تم کو پھر (لوٹ) جانا ہے، تو وہ جتائے گا تم کو جو کرتے تھے۔

إِنَّهُ عَلِيمٌ بِذَاتِ الصُّدُورِ

مقرر(بیشک) اس کو خبر ہے جیوں (دلوں) کی بات کی۔

7

وَإِذَا مَسَّ الْإِنْسَانَ ضُرٌّ دَعَا رَبَّهُ مُنِيبًا إِلَيْهِ

 اور جب لگے انسان کو سختی، پکارے اپنے رب کو رجوع ہو کر اسکی طرف،

 ثُمَّ إِذَا خَوَّلَهُ نِعْمَةً مِنْهُ نَسِيَ مَا كَانَ يَدْعُو إِلَيْهِ مِنْ قَبْلُ

پھر جب بخشے اسکو نعمت اپنی طرف سے بھُول جائے جو پکارتا تھا اس کام کو پہلے سے۔

وَجَعَلَ لِلَّهِ أَنْدَادًا لِيُضِلَّ عَنْ سَبِيلِهِ ۚ

اور ٹھہرائے اﷲ کے برابر اوروں کو تا (کہ) بہکاوے اسکی راہ سے،

 قُلْ تَمَتَّعْ بِكُفْرِكَ قَلِيلًا ۖ إِنَّكَ مِنْ أَصْحَابِ النَّارِ

تُو کہہ برت (مزے) لے ساتھ اپنی منکری کے تھوڑے دنوں۔(یقیناً پھر) تُو ہے آگ (جہنم) والوں میں۔

8

أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ ۗ

بھلا ایک جو بندگی میں لگا ہے گھڑی رات کی سجدے کرتا، اور کھڑا، خطرہ (ڈر) رکھتا ہے آخرت کا

اور امید رکھتا ہے اپنے رب کی مِہر (رحمت) کی۔

قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ

تُو کہہ، کوئی برابر ہوتے ہیں سمجھ والے، اور بے سمجھ؟

إِنَّمَا يَتَذَكَّرُ أُولُو الْأَلْبَابِ‏

وہی سوچتے ہیں جن کو عقل ہے۔

9

قُلْ يَا عِبَادِ الَّذِينَ آمَنُوا اتَّقُوا رَبَّكُمْ ۚ

 تُو کہہ اے بندو میرے جو یقین لائے ہو! ڈرو اپنے رب سے۔

لِلَّذِينَ أَحْسَنُوا فِي هَذِهِ الدُّنْيَا حَسَنَةٌ ۗ وَأَرْضُ اللَّهِ وَاسِعَةٌ ۗ

جنہوں نے نیکی کی اس دنیا میں ان کو ہے بھلائی۔ اور زمین اﷲ کی کشادہ ہے۔

إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ

ٹھہرنے (صبر کرنے) والوں ہی کو ملنا ہے انکا نیگ (اجر) ان گنت (بے حساب) ۔

10

قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَهُ الدِّينَ

  تُو کہہ، مجھ کو حکم ہے کہ بندگی (عبادت) کروں اﷲ کو نری کر کر اس کی بندگی (مکمل اطاعت) ۔

11

وَأُمِرْتُ لِأَنْ أَكُونَ أَوَّلَ الْمُسْلِمِينَ  

 اور حکم ہے کہ میں ہوں سب سے پہلے حکم بردار (مسلم) ۔

12

قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ

  تُو کہہ میں ڈرتا ہوں، اگر حکم نہ مانوں اپنے رب کا، ایک بڑے دن کی مار سے۔

13

قُلِ اللَّهَ أَعْبُدُ مُخْلِصًا لَهُ دِينِي

تُو کہہ، میں تو اﷲ کو پوجتا ہوں، نری کر کر اپنی بندگی (مکمل اطاعت) اسی کے واسطے۔

14

فَاعْبُدُوا مَا شِئْتُمْ مِنْ دُونِهِ ۗ

اب تم پوجو جس کو چاہو اسکے سوا۔

قُلْ إِنَّ الْخَاسِرِينَ الَّذِينَ خَسِرُوا أَنْفُسَهُمْ وَأَهْلِيهِمْ يَوْمَ الْقِيَامَةِ ۗ

تُو کہہ، بڑے ہارے وہ جو ہار بیٹھے اپنی جان اور اپنا گھر قیامت کے دن۔

أَلَا ذَلِكَ هُوَ الْخُسْرَانُ الْمُبِينُ

سنتا ہے! یہی ہے صریح ٹوٹا (کھلا خسارہ) ۔

15

لَهُمْ مِنْ فَوْقِهِمْ ظُلَلٌ مِنَ النَّارِ وَمِنْ تَحْتِهِمْ ظُلَلٌ ۚ

  اُن کے اوپر سے بادل ہیں آگ کے، اور نیچے سے بادل۔

ذَلِكَ يُخَوِّفُ اللَّهُ بِهِ عِبَادَهُ ۚ

اس چیز سے ڈراتا ہے اﷲ اپنے بندوں کو۔

يَا عِبَادِ فَاتَّقُونِ

اے بندو میرے تو مجھ سے ڈرو۔

16

وَالَّذِينَ اجْتَنَبُوا الطَّاغُوتَ أَنْ يَعْبُدُوهَا وَأَنَابُوا إِلَى اللَّهِ لَهُمُ الْبُشْرَى ۚ

اور جو لوگ بچے شیطانوں سے، کہ انکو پوجیں، اور رجوع ہوئے اﷲ کی طرف، انکو ہے خوشخبری۔

فَبَشِّرْ عِبَادِ

سو تُو خوشی سُنا میرے بندوں کو۔

17

الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ ۚ

جو سنتے ہیں بات، پھر چلتے ہیں اسکے نیک (بہترین پہلو) پر۔

أُولَئِكَ الَّذِينَ هَدَاهُمُ اللَّهُ ۖ وَأُولَئِكَ هُمْ أُولُو الْأَلْبَابِ

وہی ہیں جن کو راہ دی اﷲ نے،اور وہی ہیں عقل والے۔

18

أَفَمَنْ حَقَّ عَلَيْهِ كَلِمَةُ الْعَذَابِ أَفَأَنْتَ تُنْقِذُ مَنْ فِي النَّارِ

بھلا جس پر ٹھیک (چسپاں) ہو چکا عذاب کا حکم بھلا تو خلاص کرے (بچا سکے) گا آگ میں پڑے کو؟

19

لَكِنِ الَّذِينَ اتَّقَوْا رَبَّهُمْ لَهُمْ غُرَفٌ  مِنْ فَوْقِهَا غُرَفٌ مَبْنِيَّةٌ تَجْرِي مِنْ تَحْتِهَا الْأَنْهَارُ ۖ

 لیکن جو ڈرتے رہے اپنے رب سے، انکو ہیں جھروکے (اونچے محل) ۔

ان پر اور جھروکے  (بالاخانے) چنے ہوئے، ان کے نیچے چلتی ہیں ندیاں۔

وَعْدَ اللَّهِ ۖ  لَا يُخْلِفُ اللَّهُ الْمِيعَادَ  

وعدہ ہوا اﷲ کا۔ اﷲ نہیں خلاف کرتا وعدہ۔

20

أَلَمْ تَرَ أَنَّ اللَّهَ أَنْزَلَ مِنَ السَّمَاءِ مَاءً فَسَلَكَهُ يَنَابِيعَ فِي الْأَرْضِ

  تُو نے نہیں دیکھا کہ اﷲ نے اُتارا آسمان سے پانی، پھر چلایا وہ پانی چشموں میں زمین کے،

ثُمَّ يُخْرِجُ بِهِ زَرْعًا مُخْتَلِفًا أَلْوَانُهُ

پھر نکالتا ہے اس سے کھیتی، کئی کئی رنگ بدلتے اس پر،

ثُمَّ يَهِيجُ فَتَرَاهُ مُصْفَرًّا ثُمَّ يَجْعَلُهُ حُطَامًا ۚ

پھر آئی تیاری پر، تو تُو دیکھے اسکا رنگ زرد، پھر کر ڈالتا ہے اسکو چُورا ،

إِنَّ فِي ذَلِكَ لَذِكْرَى لِأُولِي الْأَلْبَابِ

بیشک اس میں نصیحت ہے عقلمندوں کو۔

21

أَفَمَنْ شَرَحَ اللَّهُ صَدْرَهُ لِلْإِسْلَامِ فَهُوَ عَلَى نُورٍ مِنْ رَبِّهِ ۚ

بھلا جس کا سینہ کھول دیا اﷲ نے مسلمانی پر، سو وہ اُجالے میں ہے اپنے رب کی طرف سے۔

فَوَيْلٌ لِلْقَاسِيَةِ قُلُوبُهُمْ مِنْ ذِكْرِ اللَّهِ ۚ

سو خرابی ہے ان کو، جن کے دل سخت ہیں اﷲ کی یاد سے،

أُولَئِكَ فِي ضَلَالٍ مُبِينٍ

وہ پڑے پھرتے ہیں بہکے صریح (کھلی گمراہی) ۔

22

اللَّهُ نَزَّلَ أَحْسَنَ الْحَدِيثِ كِتَابًا مُتَشَابِهًا مَثَانِيَ

اﷲ نے اُتاری بہتر بات ،کتاب، آپس میں ملتی، دہرائی ہوئی،

تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَى ذِكْرِ اللَّهِ ۚ

بال کھڑے ہوتے ہیں اس سے کھال پر ان لوگوں کے جو ڈرتے ہیں اپنے رب سے۔

پھر نرم ہوتی ہیں انکی کھالیں اور انکے دل، اﷲ کی یاد پر۔

ذَلِكَ هُدَى اللَّهِ يَهْدِي بِهِ مَنْ يَشَاءُ ۚ

یہ ہے راہ (ہدایت) دینا اﷲ کا، اس طرح راہ (ہدایت) دیتا ہے جس کو چاہے۔

وَمَنْ يُضْلِلِ اللَّهُ فَمَا لَهُ مِنْ هَادٍ  

اور جس کو راہ بھلا دے اﷲ اس کو کوئی نہیں سجھانے (ہدایت دینے) والا۔

23

أَفَمَنْ يَتَّقِي بِوَجْهِهِ سُوءَ الْعَذَابِ يَوْمَ الْقِيَامَةِ ۚ

بھلا ایک جو روکتا ہے اپنے منہ پر بُرا عذاب دن قیامت کے۔

وَقِيلَ لِلظَّالِمِينَ ذُوقُوا مَا كُنْتُمْ تَكْسِبُونَ

اور کہیئے بے انصافوں کو، چکھو جو تم کماتے تھے۔

24

كَذَّبَ الَّذِينَ مِنْ قَبْلِهِمْ  فَأَتَاهُمُ الْعَذَابُ مِنْ حَيْثُ لَا يَشْعُرُونَ

جھٹلا چکے ان سے اگلے (پہلے) ، پھر پہنچا اُن پر عذاب جہاں سے خبر نہ رکھتے تھے۔

25

فَأَذَاقَهُمُ اللَّهُ الْخِزْيَ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَكْبَرُ ۚ

پھر چکھائی ان کو اﷲ نے رسوائی، دنیا کے جیتے۔اور عذاب آخرت کا تو اور بڑا ہے،

لَوْ كَانُوا يَعْلَمُونَ

اگر یہ سمجھ رکھتے۔

26

وَلَقَدْ ضَرَبْنَا لِلنَّاسِ فِي هَذَا الْقُرْآنِ مِنْ كُلِّ مَثَلٍ لَعَلَّهُمْ يَتَذَكَّرُونَ  

 اور ہم نے بیان کی لوگوں کو اس قرآن میں سب چیز کی کہاوت (مثال) کہ شاید وہ سوچیں۔

27

قُرْآنًا عَرَبِيًّا غَيْرَ ذِي عِوَجٍ لَعَلَّهُمْ يَتَّقُونَ

قرآن ہے عربی زبان کا جس میں کجی(ٹیڑھا پن) نہیں،کہ شاید وہ بچ چلیں۔

28

ضَرَبَ اللَّهُ مَثَلًا رَجُلًا فِيهِ شُرَكَاءُ مُتَشَاكِسُونَ وَرَجُلًا سَلَمًا لِرَجُلٍ هَلْ يَسْتَوِيَانِ مَثَلًا ۚ

 اﷲ نے بتائی ایک کہاوت، ایک مرد ہے کہ اس میں کئی شریک(اسکے بہت سے آقا) ضدی،

اور ایک مرد ہے پورا (غلام) ایک شخص کا۔کوئی برابر ہوتی ہے اُنکی کہاوت (مثال) ۔

الْحَمْدُ لِلَّهِ ۚ بَلْ أَكْثَرُهُمْ لَا يَعْلَمُونَ

سب خوبی اﷲ کو ہے، پر وہ لوگ سمجھ نہیں رکھتے۔

29

إِنَّكَ مَيِّتٌ وَإِنَّهُمْ مَيِّتُونَ

بیشک تُو بھی مرتا ہے اور وہ بھی مرتے ہیں۔

30

ثُمَّ إِنَّكُمْ يَوْمَ الْقِيَامَةِ عِنْدَ رَبِّكُمْ تَخْتَصِمُونَ

 پھر مقرر (یقیناً) تم دن قیامت کے، اپنے رب کے آگے جھگڑو (مقدمہ پیش کرو) گے۔

31

‏ فَمَنْ أَظْلَمُ مِمَّنْ كَذَبَ عَلَى اللَّهِ  وَكَذَّبَ بِالصِّدْقِ إِذْ جَاءَهُ ۚ

پھر اس سے ظالم کون جس نے جھوٹ بولا اﷲ پر،اور جھٹلایا سچی بات کو، جب پہنچی اس پاس۔

أَلَيْسَ فِي جَهَنَّمَ مَثْوًى لِلْكَافِرِينَ  

کیا نہیں دوزخ میں ٹھہراؤ (ٹھکان) منکروں کا؟

32

وَالَّذِي جَاءَ بِالصِّدْقِ وَصَدَّقَ بِهِ ۙ أُولَئِكَ هُمُ الْمُتَّقُونَ

اور جو لایا سچی بات، اور سچ مانا اسکو، وہی لوگ ہیں ڈر والے (مُتقی) ۔

33

لَهُمْ مَا يَشَاءُونَ عِنْدَ رَبِّهِمْ ۚ

ان کو ہے جو چاہیں اپنے رب کے پاس۔

ذَلِكَ جَزَاءُ الْمُحْسِنِينَ  

یہ ہے بدلہ نیکی والوں کا۔

34

لِيُكَفِّرَ اللَّهُ عَنْهُمْ أَسْوَأَ الَّذِي عَمِلُوا  وَيَجْزِيَهُمْ أَجْرَهُمْ بِأَحْسَنِ الَّذِي كَانُوا يَعْمَلُونَ

تا (کہ) اُتارے اﷲ ان سے بُرے کام جو کئے تھے،اور بدلے میں دے انکا نیگ (اجر) بہتر کاموں کا، جو کرتے تھے۔

35

أَلَيْسَ اللَّهُ بِكَافٍ عَبْدَهُ ۖ وَيُخَوِّفُونَكَ بِالَّذِينَ مِنْ دُونِهِ ۚ

 کیا اﷲ بس(کافی) نہیں اپنے بندوں کو؟ اور تجھ کو ڈراتے ہیں ان سے، جو اسکے سوا ہیں۔

وَمَنْ يُضْلِلِ اللَّهُ فَمَا لَهُ مِنْ هَادٍ

اور جس کو راہ بھلاوے اﷲ تو کئی نہیں اس کو راہ دینے والا۔

36

وَمَنْ يَهْدِ اللَّهُ فَمَا لَهُ مِنْ مُضِلٍّ ۗ

اور جس کو راہ سجھائے (ہدایت دے) اﷲ، اسکو کوئی نہیں بھلانے (بھٹکانے) والا۔

أَلَيْسَ اللَّهُ بِعَزِيزٍ ذِي انْتِقَامٍ  

کیا نہیں ہے اﷲ زبردست بدلہ لینے والا۔

37

وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ ۚ

 اور جو تُو ان سے پوچھے کس نے بنایا آسما ن اور زمین کو؟ تو کہیں اﷲ نے۔

قُلْ أَفَرَأَيْتُمْ مَا تَدْعُونَ مِنْ دُونِ اللَّهِ إِنْ أَرَادَنِيَ اللَّهُ بِضُرٍّ هَلْ هُنَّ كَاشِفَاتُ ضُرِّهِ

تُو کہہ، بھلا دیکھو تو! جن کو پوجتے ہو اﷲ کے سِوا، اگر چاہے اﷲ مجھ پر کچھ تکلیف،

(تو کیا) وہ ہیں (اس قابل) کہ کھول دیں تکلیف اسکی ڈالی؟

أَوْ أَرَادَنِي بِرَحْمَةٍ هَلْ هُنَّ مُمْسِكَاتُ رَحْمَتِهِ ۚ

یا وہ چاہے مجھ پر مہر (مہربانی کرنا) (کی) وہ ہیں (اس قابل) کہ روک دیں اسکی مِہر (رحمت) ؟

قُلْ حَسْبِيَ اللَّهُ ۖ  عَلَيْهِ يَتَوَكَّلُ الْمُتَوَكِّلُونَ  

تُو کہہ، مجھ کو بس (کافی) ہے اﷲ۔ اسی پر بھروسہ رکھتے ہیں بھروسہ رکھنے والے۔

38

قُلْ يَا قَوْمِ اعْمَلُوا عَلَى مَكَانَتِكُمْ إِنِّي عَامِلٌ ۖ

 تُو کہہ، اے قوم! کام کئے جاؤ اپنی جگہ، میں بھی کام کرتا ہوں،

فَسَوْفَ تَعْلَمُونَ  

اب آگے جان لو گے۔

39

مَنْ يَأْتِيهِ عَذَابٌ يُخْزِيهِ وَيَحِلُّ عَلَيْهِ عَذَابٌ مُقِيمٌ  

 کس پر آتی ہے آفت کہ اس کو رسوا کرے، اور اُترتی ہے اس پر سدا کی مار۔

40

إِنَّا أَنْزَلْنَا عَلَيْكَ الْكِتَابَ لِلنَّاسِ بِالْحَقِّ ۖ

 ہم نے اُتاری ہے تجھ پر کتاب، لوگوں کے واسطے سچے دین کے ساتھ۔

فَمَنِ اهْتَدَى فَلِنَفْسِهِ ۖ وَمَنْ ضَلَّ فَإِنَّمَا يَضِلُّ عَلَيْهَا ۖ

پھر جو کوئی راہ پر آیا، سو اپنے بھلے کو۔ اورجو کوئی بہکا، سو یہی کہ بہکا اپنے بُرے کو۔

وَمَا أَنْتَ عَلَيْهِمْ بِوَكِيلٍ

تجھ پر اس کا ذمہ نہیں ۔

41

اللَّهُ يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا ۖ

 اﷲ کھینچ (قبض کر)لیتا ہے جانیں، جب وقت ہو انکے مرنے کا، اور جو نہیں مریں انکی نیند میں۔

فَيُمْسِكُ الَّتِي قَضَى عَلَيْهَا الْمَوْتَ وَيُرْسِلُ الْأُخْرَى إِلَى أَجَلٍ مُسَمًّى ۚ

پھر رکھ چھوڑتا ہے جن پر مرنا ٹھہرایا، اور بھیجتا ہے دوسروں کو ایک ٹھہرے وعدہ تک۔

إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ  

البتہ اس میں پتے (نشانیاں)ہیں ان لوگوں کو جو دھیان (غور و فکر)کریں۔

42

أَمِ اتَّخَذُوا مِنْ دُونِ اللَّهِ شُفَعَاءَ ۚ

  کیا انہوں نے پکڑیں ہیں اﷲ کے سوا کوئی سفارش والے؟

قُلْ أَوَلَوْ كَانُوا لَا يَمْلِكُونَ شَيْئًا وَلَا يَعْقِلُونَ

تُو کہہ، اگر جو ان کو اختیار نہ ہو کسی چیز کا نہ بُوجھ تو بھی؟

43

قُلْ لِلَّهِ الشَّفَاعَةُ جَمِيعًا ۖ

 تُو کہہ، اﷲ کے اختیار ہے سفارش ساری ۔

لَهُ مُلْكُ السَّمَاوَاتِ وَالْأَرْضِ ۖ ثُمَّ إِلَيْهِ تُرْجَعُونَ

اسی کا راج ہے آسمان و زمین میں۔ پھر اسی کی طرف پھیرے (لوٹائے)جاؤ گے۔

44

وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ ۖ

اور جب نام لیجئے اﷲ کا نرا، رک جائیں دل اُنکے جویقین نہیں رکھتے پچھلے (آخرت کے)گھر کا۔

وَإِذَا ذُكِرَ الَّذِينَ مِنْ دُونِهِ إِذَا هُمْ يَسْتَبْشِرُونَ  

اور جب نام لیجئے اسکے سوا اوروں کا، تبھی وہ لگیں خوشیاں کرنے۔

45

قُلِ اللَّهُمَّ فَاطِرَ السَّمَاوَاتِ وَالْأَرْضِ عَالِمَ الْغَيْبِ وَالشَّهَادَةِ

  تُو کہہ، اے اﷲ پیدا کرنے والے آسمان اور زمین کے، جاننے والے چھپے اور کھلے کے،

أَنْتَ تَحْكُمُ بَيْنَ عِبَادِكَ فِي مَا كَانُوا فِيهِ يَخْتَلِفُونَ  

تُو ہی فیصلہ کرے اپنے بندوں میں، جس چیز میں وہ جھگڑ رہے تھے۔

46

وَلَوْ أَنَّ لِلَّذِينَ ظَلَمُوا مَا فِي الْأَرْضِ جَمِيعًا وَمِثْلَهُ مَعَهُ

اور گنہگاروں کے پاس ہو، جتنا کچھ کہ زمین میں ہے سارا، اور اتنا ہی اور اسکے ساتھ،

لَافْتَدَوْا بِهِ مِنْ سُوءِ الْعَذَابِ يَوْمَ الْقِيَامَةِ ۚ

سب دے ڈالیں اپنی چھڑوائی (فدیہ)میں، بُری طرح کی مار سے، دن قیامت کے۔

وَبَدَا لَهُمْ مِنَ اللَّهِ مَا لَمْ يَكُونُوا يَحْتَسِبُونَ  

اور نظر آیا ان کو اﷲ کی طرف سے، جو خیال نہ رکھتے تھے۔

47

وَبَدَا لَهُمْ سَيِّئَاتُ مَا كَسَبُوا وَحَاقَ بِهِمْ مَا كَانُوا بِهِ يَسْتَهْزِئُونَ

نظر آئے اُن کو بُرے کام اپنے، جو کمائے تھے،اور اُلٹ پڑا اُن پر جس چیز پر ٹھٹھا (مذاق اُڑایا)کرتے تھے۔

48

فَإِذَا مَسَّ الْإِنْسَانَ ضُرٌّ دَعَانَا ثُمَّ إِذَا خَوَّلْنَاهُ نِعْمَةً مِنَّا قَالَ إِنَّمَا أُوتِيتُهُ عَلَى عِلْمٍ ۚ

 سو جب لگے آدمی کو کچھ تکلیف، ہم کو پکارے۔

پھر جب ہم بخشیں اس کو اپنی طرف سے کوئی نعمت، کہے، یہ تو مجھ کو ملی کہ آگے سے معلوم تھی،

بَلْ هِيَ فِتْنَةٌ وَلَكِنَّ أَكْثَرَهُمْ لَا يَعْلَمُونَ  

کوئی نہیں! یہ جانچ (آزمائش) ہے، پر وہ بہت لوگ نہیں سمجھتے۔

49

قَدْ قَالَهَا الَّذِينَ مِنْ قَبْلِهِمْفَمَا أَغْنَى عَنْهُمْ مَا كَانُوا يَكْسِبُونَ  

  کہہ چکے ہیں یہ بات اُن سے اگلے، پھر کچھ کام نہ آیا اُن کو ، جو کماتے تھے۔

50

فَأَصَابَهُمْ سَيِّئَاتُ مَا كَسَبُوا ۚ

پھر پڑیں ان پر برائیاں، جو کمائی تھیں۔

وَالَّذِينَ ظَلَمُوا مِنْ هَؤُلَاءِ سَيُصِيبُهُمْ سَيِّئَاتُ مَا كَسَبُوا وَمَا هُمْ بِمُعْجِزِينَ  

اور جو گنہگار ہیں ان میں سے، ان پر بھی اب پڑتی ہیں برائیاں جو کمائی ہیں،

اور وہ نہیں (خدا کو)تھکانے (عاجز کرنے) والے۔

51

أَوَلَمْ يَعْلَمُوا أَنَّ اللَّهَ يَبْسُطُ الرِّزْقَ لِمَنْ يَشَاءُ وَيَقْدِرُ ۚ

اور کیا نہیں جان چکے کہ اﷲ پھیلاتا ہے روزی جس کو چاہے، اور ماپ کر دیتا ہے(جس کو چاہے)۔

إِنَّ فِي ذَلِكَ لَآيَاتٍ لِقَوْمٍ يُؤْمِنُونَ  

البتہ اس میں پتے (نشانیاں)ہیں ان لوگوں کو جو جانتے ہیں۔

52

قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ

کہہ دے، اے بندو میرے! جنہوں نے زیادتی کی اپنی جان پر،نہ آس توڑو اﷲ کی مہر (رحمت)سے۔

إِنَّ اللَّهَ يَغْفِرُ الذُّنُوبَ جَمِيعًا ۚ

بیشک اﷲ بخشتا ہے سب گناہ۔

إِنَّهُ هُوَ الْغَفُورُ الرَّحِيمُ  

وہ جو ہے وہی ہے معاف کرنے والا مہربان۔

53

وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ

اور جو رجوع ہو اپنے رب کی طرف، اور اسکی حکم برداری کرو پہلے اس سے کہ آئے تم پر عذاب،

پھر کوئی تمہاری مدد کو نہ آئے گا۔

54

وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمُ الْعَذَابُ بَغْتَةً  وَأَنْتُمْ لَا تَشْعُرُونَ  

اور چلو بہتر بات پر جو اُتری تمکو تمہارے رب سے پہلے اس سے کہ پہنچے تم پر عذاب اچانک اور تمکو خبر نہ ہو۔

55

‏أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ  السَّاخِرِينَ  

کہیں کہنے لگے کوئی جی (متنفس)، اے افسوس!

جس سے میں نے کمی کی اﷲ کی طرف سے، اور میں تو ہنستا ہی (مذاق ہی کرتا)رہا۔

56

أَوْ تَقُولَ لَوْ أَنَّ اللَّهَ هَدَانِي لَكُنْتُ مِنَ الْمُتَّقِينَ

یا کہنے لگے، اگر اﷲ مجھ کو راہ (ہدایت)دیتا، تو میں ہوتا ڈر والوں (متقیوں)میں۔

57

أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنَ الْمُحْسِنِينَ

یا کہنے لگے جب دیکھے عذاب کسی طرح مجھ کو پھر جانا بنے(ایک اور موقع ملے) تو میں ہوں نیکی والوں میں۔

58

بَلَى قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنْتَ مِنَ الْكَافِرِينَ

کیوں نہیں! پہنچ چکے تھے تجھ کو میرے حکم، پھر تُو نے ان کو جھٹلایا اور غرور کیا اور تُو تھا منکروں میں۔

59

وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُمْ مُسْوَدَّةٌ ۚ

اور قیامت کے دن تُو دیکھے ان کو جو جھوٹ بولتے ہیں اﷲ پر، ان کے منہ سیاہ۔

أَلَيْسَ فِي جَهَنَّمَ مَثْوًى لِلْمُتَكَبِّرِينَ

کیا نہیں دوزخ میں ٹھکانا غرور والوں کو؟

60

وَيُنَجِّي اللَّهُ الَّذِينَ اتَّقَوْا بِمَفَازَتِهِمْ لَا يَمَسُّهُمُ السُّوءُ وَلَا هُمْ يَحْزَنُونَ

 اور بچائیگا اﷲ ان کو جنہوں نے ڈر رکھ(تقوٰی اختیار کیا) ، انکے بچاؤ کی جگہ،

نہ لگے ان کو برائی، اور نہ وہ غم کھائیں۔

61

اللَّهُ خَالِقُ كُلِّ شَيْءٍ ۖ وَهُوَ عَلَى كُلِّ شَيْءٍ وَكِيلٌ  

 اﷲ بنانے والا ہے ہر چیز کا،اور وہ ہر چیز کا ذمہ لیتا ہے۔

62

لَهُ مَقَالِيدُ السَّمَاوَاتِ وَالْأَرْضِ ۗ

اسی کے پاس ہیں کنجیاں آسمانوں کی اور زمین کی۔

وَالَّذِينَ كَفَرُوا بِآيَاتِ اللَّهِ أُولَئِكَ هُمُ الْخَاسِرُونَ  

اور جو منکر ہوئے ہیں اﷲ کی باتوں سے، وہ جو ہیں وہی ہیں ٹوٹے (خسارے) میں پڑے۔

63

قُلْ أَفَغَيْرَ اللَّهِ تَأْمُرُونِّي أَعْبُدُ أَيُّهَا الْجَاهِلُونَ

  تُو کہہ، اب اﷲ کے سوا کسی کو بتاتے ہو کہ پُوجوں، اے نادانوں(جاہلو) ؟

64

وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ

 اور حکم ہو چکا ہے تجھ کو اور تجھ سے اگلوں کو۔

لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ

اگر تُو نے شریک مانا، اکارت (ضائع) جائیں گے تیرے کئے اور تُو ہو گا ٹوٹے (خسارے) میں آیا۔

65

بَلِ اللَّهَ فَاعْبُدْ وَكُنْ مِنَ الشَّاكِرِينَ

 نہ بلکہ اﷲ ہی کو پُوج اور رہ حق ماننے والوں (شُکرگزاروں) میں۔

66

وَمَا قَدَرُوا اللَّهَ حَقَّ قَدْرِهِ

اور نہیں سمجھے اﷲ کو جتنا کچھ وہ (اسکو سمجھنے کا حق) ہے۔

وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ ۚ

اور زمین ساری ایک مٹھی ہے اسکی دن قیامت کے، اور آسمان لپٹے ہیں اسکے داہنے ہاتھ میں۔

سُبْحَانَهُ وَتَعَالَى عَمَّا يُشْرِكُونَ

وہ پاک ہے اور بہت اوپر ہے اس سے کہ یہ شریک بتاتے ہیں۔

67

وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الْأَرْضِ إِلَّا مَنْ شَاءَ اللَّهُ ۖ

اور پھونکا گیا نر سنگا، پھر بیہوش ہو گرا، جو کوئی ہے آسمانوں میں اور زمین میں، مگر جس کو اﷲ نے چاہا۔

ثُمَّ نُفِخَ فِيهِ أُخْرَى فَإِذَا هُمْ قِيَامٌ يَنْظُرُونَ

پھر پھونکا گیا دوسری بار، پھر تب ہی وہ کھڑے ہو گئے دیکھتے۔

68

وَأَشْرَقَتِ الْأَرْضُ بِنُورِ رَبِّهَا

 اور چمکی زمین اپنے رب کے نور سے،

وَوُضِعَ الْكِتَابُ وَجِيءَ بِالنَّبِيِّينَ وَالشُّهَدَاءِ

اور لا دھرا دفتر، اور حاضر آئے پیغمبر اور گواہ،

وَقُضِيَ بَيْنَهُمْ بِالْحَقِّ وَهُمْ لَا يُظْلَمُونَ

اور فیصلہ ہوا ان میں انصاف سے، اور ان پر ظلم نہ ہو گا۔

69

وَوُفِّيَتْ كُلُّ نَفْسٍ مَا عَمِلَتْ وَهُوَ أَعْلَمُ بِمَا يَفْعَلُونَ

اور پورا ملا ہر جی (نفس) کو جو کیا،اور اس کو خوب خبر ہے جو کرتے ہیں۔

70

وَسِيقَ الَّذِينَ كَفَرُوا إِلَى جَهَنَّمَ زُمَرًا ۖ

 اور ہانکے گئے جو منکر تھے، دوزخ کو جتھے جتھے (گروہ) ۔

حَتَّى إِذَا جَاءُوهَا فُتِحَتْ أَبْوَابُهَا وَقَالَ لَهُمْ خَزَنَتُهَا  أَلَمْ يَأْتِكُمْ رُسُلٌ مِنْكُمْ

یہاں تک کہ جب پہنچے اس پر، کھولے گئے اس کے دروازے،

اور کہنے لگے ان کو داروغہ اس کے کیا نہ پہنچے تھے تم پاس رسول تم میں کے؟

يَتْلُونَ عَلَيْكُمْ آيَاتِ رَبِّكُمْ  وَيُنْذِرُونَكُمْ لِقَاءَ يَوْمِكُمْ هَذَا ۚ

پڑھتے تھے تم پر باتیں تمہارے رب کی، اور ڈراتے تم کو تمہارے دن کی ملاقات سے۔

قَالُوا بَلَى

بولے کیوں نہیں!

وَلَكِنْ حَقَّتْ كَلِمَةُ الْعَذَابِ عَلَى الْكَافِرِينَ

پر ثابت ہوا حکم عذاب کا منکروں پر۔

71

قِيلَ ادْخُلُوا أَبْوَابَ جَهَنَّمَ خَالِدِينَ فِيهَا ۖ  

 حکم ہوا کہ پیٹھو (داخل ہو) دروازوں میں دوزخ کے، سدا رہنے کو اس میں،

فَبِئْسَ مَثْوَى الْمُتَكَبِّرِينَ

سو کیا بُری جگہ ہے رہنے کی غرور والوں کو؟

72

وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا ۖ

 اور ہانکے گئے جو ڈرتے رہے تھے اپنے رب سے بہشت کو جتھے جتھے (گروہ)۔

حَتَّى إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ

یہاں تک کہ جب پہنچے اس پر اور کھولے گئے اسکے دروازے،

اور کہنے لگے ان کو داروغہ اسکے، سلام پہنچے تم پر، تم لوگ پاکیزہ ہو،

فَادْخُلُوهَا خَالِدِينَ

سو پیٹھو(داخل ہو) اس میں سدا رہنے کو۔

73

وَقَالُوا الْحَمْدُ لِلَّهِ الَّذِي صَدَقَنَا وَعْدَهُ  وَ أَوْرَثَنَا الْأَرْضَ نَتَبَوَّأُ مِنَ الْجَنَّةِ حَيْثُ نَشَاءُ ۖ

 اور وہ بولے شکر اﷲ کا، جس نے سچ کیا ہم سے اپنا وعدہ

اور وارث کیا ہم کو اس زمین کا گھر، پکڑ لیں بہشت میں سے جہاں چاہیں،

فَنِعْمَ أَجْرُ الْعَامِلِينَ

سو کیا خوب نیگ (اجر) ہے محنت کرنے والوں کا۔

74

وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ ۖ

اور تُو دیکھے فرشتے، گھر رہے (حلقہ بنائے ہوئے) ہیں عرش کے گرد پاکی بولتے ہیں اپنے رب کی خوبیاں،

وَقُضِيَ بَيْنَهُمْ بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ

اور فیصلہ ہوا ہے ان میں انصاف کا،اور یہی بات ہوئی کہ سب خوبی ہے اﷲ کو جو صاحب ہے سارے جہان کا ۔

***********

75


© Copy Rights:

Zahid Javed Rana, Abid Javed Rana,

Lahore, Pakistan

Visits wef Apr 2024 web counter