Surah Al Inshiqaq

جب آسمان پھٹ جائے گا ‏‏

اور اپنے پروردگار کا فرمان بجالائے گا اور اسے واجب بھی یہی ہے ‏

اور جب زمین ہموار کر دی جائے گی ‏

اور جو کچھ اس میں ہے اسے نکال کر باہر کر دے گی اور (بالکل) خالی ہو جائے گی‏

اور اپنے پروردگار کے ارشاد کی تعمیل کرے گی اور اس کو لازم بھی ہے (تو قیامت قائم ہو جائے گی) ‏‏

اے انسان تو اپنے پرودرگار کی طرف(پہنچنے میں)خوب کوشش کرتا ہے سو اس سے جا ملے گا ‏ ‏‏

تو جس کا نامہ (اعمال) اس کے داہنے ہاتھ میں دیا جائے گا ‏‏

اس سے حساب آسان لیا جائے گا ‏

اور وہ اپنے گھروالوں میں خوش خوش آئے گا ‏‏

اور جس کا نامہ (اعمال) اس کی پیٹھ کے پیچھے سے دیا جائے گا ‏‏

وہ موت کو پکارے گا ‏ ‏

اور دوزخ میں داخل ہوگا ‏‏

یہ اپنے اہل وعیال میں مست رہتا تھا ‏‏

اور خیال کرتا تھا کہ (خدا کی طرف) پھر کر نہ جائے گا ‏‏

ہاں ہاں اس کا پروردگار اس کو دیکھ رہا تھا ‏

ہمیں شام کی سرخی کی قسم ‏‏

اور رات کی اور جن چیزوں کو وہ اکٹھا کر لیتی ہے ان کی ‏

اور چاند کی جب کامل ہو جائے ‏‏

کہ تم درجہ بدرجہ (رتبہ اعلیٰ پر) چڑھو گے ‏

تو ان لوگوں کو کیا ہوا ہے کہ ایمان نہیں لاتے ‏

اور جب ان کے سامنے قرآن پڑھا جاتا ہے تو سجدہ نہیں کرتے ‏‏

بلکہ کافر جھٹلاتے ہیں ‏‏

اور اللہ ان باتوں کو جو یہ اپنے دلوں میں چھپاتے ہیں خوب جانتا ہے ‏‏

تو ان کو دکھ دینے والے عذاب کی خبر سنا دو ‏

ہاں جو لوگ ایمان لائے اور نیک عمل کرتے رہے انکے لئے بے انتہا اجر ہے ‏‏

***********

Visits wef Apr 2024