Surah Al Mutaffifin

ناپ اور تول میں کمی کرنے والوں کے لئے خرابی ہے ‏

جو لوگوں سے ناپ کرلیں تو پورا لیں ‏

اور جب ان کو ناپ کر یا تول کر دیں تو کم دیں ‏‏

کیا یہ لوگ نہیں جانتے کہ اٹھائے بھی جائیں گے ‏

(یعنی) ایک بڑے (سخت) دن میں ‏‏

جس دن تمام لوگ رب العالمین کے سامنے کھڑے ہوں گے ‏

سن رکھو کہ بدکاروں کے اعمال سجین میں ہیں ‏

اور تم کیا جانتے ہو کہ سجین کیا چیز ہے؟ ‏‏

ایک دفتر ہے لکھا ہوا ‏

اس دن جھٹلانے والوں کی تباہی ہے ‏‏

(یعنی) جو انصاف کے دن کو جھٹلاتے ہیں ‏

اور اس کو جھٹلاتا وہی ہے جو حد سے نکل جانے والا گنہگار ہے ‏‏

جب اس کو ہماری آیتیں سنائی جاتی ہیں تو کہتا ہے یہ تو اگلے لوگوں کے افسانے ہیں

دیکھو

یہ جو (اعمال بد) کرتے ہیں ان کا انکے دلوں پر زنگ بیٹھ گیا ہے ‏‏

بیشک یہ لوگ اس روز اپنے پروردگار (کے دیدار) سے اوٹ میں ہوں گے ‏‏

پھر دوزخ میں جا داخل ہوں گے ‏‏

پھر ان سے کہا جائے گا یہ وہی چیز ہے جس کو تم جھٹلاتے تھے ‏

(یہ بھی) سن رکھو کہ نیکوکاروں کے اعمال علیین میں ہیں ‏

اور تم کو کیا معلوم علیین کیا چیز ہے؟ ‏

ایک دفتر ہے لکھا ہوا ‏‏

جس کے پاس مقرب (فرشتے) حاضر رہتے ہیں

بیشک نیک لوگ چین میں ہوں گے ‏‏

تختوں پر بیٹھے ہوئے نظارے کریں گے ‏‏

تم ان کے چہروں ہی سے راحت کی تازگی معلوم کر لو گے ‏‏

ان کو خالص شراب سربمہر پلائی جائے گی ‏

جس کی مہر مشک کی ہوگی۔

تو (نعمتوں کے) شائقین کو چاہیے کہ اسی سے رغبت کریں ‏

اور اس میں تسنیم (کے پانی) کی آمیزش ہوگی ‏‏

وہ ایک چشمہ ہے جس میں سے (خدا کے) مقرب پئیں گے ‏‏

جو گنہگار (یعنی کافر) ہیں وہ (دنیا میں) مومنوں سے ہنسی کیا کرتے تھے

اور جب انکے پاس سے گزرتے تو حقارت سے اشارے کرتے ‏‏

اور جب اپنے گھر کو لوٹتے تو اتراتے ہوئے لوٹتے

اور جب ان (مومنوں) کو دیکھتے تو کہتے کہ یہ تو گمراہ ہیں ‏

حالانکہ وہ ان پر نگراں بنا کر نہیں بھیجے گئے تھے

تو آج مومن کافروں سے ہنسی کریں گے ‏

(اور) تختوں پر (بیٹھے ہوئے انکا حال) دیکھ رہے ہوں گے ‏

تو کافروں کو ان کے عملوں کا (پورا پورا) بدلا مل گیا ‏

***********

Visits wef Apr 2024